ଅନଲାଇନ ଠକେଇ, ଯୁବକ ଗିରଫ

ଭଦ୍ରକ(ବଡ଼ ଖବର ବ୍ୟୁରୋ): ଅନଲାଇନରେ ୬୦ ଲକ୍ଷରୁ ଉଦ୍ଧ୍ୱ ଠକେଇ ଅଭିଯୋଗ । ଭଦ୍ରକ ଧୂଷୁରୀ ଥାନା ପହଞ୍ଚି ତଦନ୍ତ କରୁଛି ଦିଲ୍ଲୀ ପୋଲିସ । ଗତକାଲି ବିଳମ୍ବିତ ରାତିରେ ଧୂଷୁରୀ ଥାନା ନରହରିପୁରରେ ଶଶୂର ଘରେ ଚଢ଼ାଉ କରି ଠକ ରାଜେନ୍ଦ୍ର ମଲ୍ଲିକଙ୍କୁ ଅନଲାଇନରେ ଠକୁଥିବା ଅଭିଯୋଗରେ ଗିରଫ କରିଛି ଦିଲ୍ଲୀ ପୋଲିସ । ପୋଲିସ ପକ୍ଷରୁ ଯୁବକଙ୍କୁ ଅଧିକ ପଚରାଉଚୁରା ସହ ଖୋଳତାଡ ଜାରି ରହିଛି । ବିଭିନ୍ନ ନାମି ଦାମି କମ୍ପାନୀ ଓ ଦିଲ୍ଲୀ ଏୟାରପୋର୍ଟ ନାଁରେ ଫେକ ଆଇଡ଼ି ଖୋଲି ଯୁବକ ଜଣକ ଫ୍ଲାଇଟ ଟିକେଟ ବୁକିଂ କରୁଥିଲେ । ୬୦ ଲକ୍ଷରୁ ଉଦ୍ଧ୍ୱ ଟଙ୍କା ଠକେଇ କରିଥିବା ଅଭିଯୋଗରେ ଯୁବକ ଜଣକ ସମ୍ପୃକ୍ତ ଥିବା ଦିଲ୍ଲୀ ପୋଲିସ ଜାଣିବାକୁ ପାଇଛି । ଅନଲାଇନ ଠକ ରାଜେନ୍ଦ୍ରକୁ ଧୂଷୁରୀ ପୋଲିସ ଧାମନଗର କୋର୍ଟ ଚାଲାଣ କରିଛି । ଦିଲ୍ଲୀ ପୋଲିସ ଅଭିଯୁକ୍ତ ରାଜେନ୍ଦ୍ରକୁ ରିମାଣ୍ଡରେ ଦିଲ୍ଲୀ ନେବ ସୂଚନା ମିଳିଛି ।