ଅକ୍ଷୟଙ୍କ ପାଇଁ ଗର୍ବର ସମୟ, ଶାଶୁ କଲେ କିଛି ଏପରି କାମ…
ମୁମ୍ବାଇ(ବଡ ଖବର ବ୍ୟୁରୋ): ହଲିଉଡର ବହୁ ଚର୍ଚ୍ଚିତ ଫିଲ୍ମ ଟେନେଟ । ଫିଲ୍ମଟି ପୂରା ବିଶ୍ୱରେ ଲୋକପ୍ରିୟତା ହାସଲ କରିସାରିଲାଣି । ଶୁକ୍ରବାର ଟେନେଟ ଭାରତରେ ରିଲିଜ ହୋଇଛି । ତେବେ ବଲିଉଡ ଓ ସମସ୍ତ ଭାରତୀୟମାନଙ୍କ ପାଇଁ ଏହା ଏକ ଗୁରୁତ୍ୱପୂର୍ଣ୍ଣ ଫିଲ୍ମ । କାରଣ ଏଥିରେ ବଲିଉଡର ଟପ ଆକ୍ଟ୍ରେସ ଡିମ୍ପଲ କପାଡିଆ ଅଭିନୟ କରିଛନ୍ତି । ଟେନେଟର ନିର୍ମାତା କ୍ରିଷ୍ଟୋଫର ନୋଲାନ ଏହି ଅବସରରେ ଡିମ୍ପଲଙ୍କୁ ଧନ୍ୟବାଦ ଜଣାଇ ଏକ ଲେଖା ପଠାଇଛନ୍ତି । ଅକ୍ଷୟ କୁମାର ଯିଏକି ଡିମ୍ପଲଙ୍କ ଜ୍ୱାଇଁ ନିଜ ଟ୍ୱିଟର ଆକାଉଣ୍ଟରେ ଏକ ଜ୍ୱାଇଁ ଭାବରେ ଏହା ତାଙ୍କ ପାଇଁ ଗର୍ବର ସମୟ ବୋଲି ଲେଖି ପୋଷ୍ଟ କରିଛନ୍ତି । ଅକ୍ଷୟ ଲେଖିଛନ୍ତି ଯେ ସେ ଡିମ୍ପଲଙ୍କ ସ୍ଥାନକୁ ଯାଇପାରିବେନି, ମାତ୍ର ଟେନେଟରେ ଡିମ୍ପଲଙ୍କ କାମକୁ ଦେଖି ସେ ବହୁତ ଗର୍ବିତ ଓ ଖୁସି ।
Here’s my proud son-in-law moment! #ChristopherNolan pens a heartfelt note to #DimpleKapadia on the eve of their release.Had I been in her place,I wouldn’t have been able to move in awe but having watched her working her magic in #Tenet,I couldn’t be more happy and proud of Ma ♥️ pic.twitter.com/EgSehxio1I
— Akshay Kumar (@akshaykumar) December 5, 2020
ଏଥିସହ ଅକ୍ଷୟ କ୍ରିଷ୍ଟୋଫରଙ୍କ ଡିମ୍ପଲଙ୍କୁ ଦେଇଥିବା ଧନ୍ୟବାଦପୂର୍ଣ୍ଣ ଲେଖାକୁ ସେୟାର କରିଛନ୍ତି । କ୍ରଷ୍ଟୋଫର ଡିମ୍ପଲଙ୍କ ସହ କାମକରି ବହୁତ ଖୁସି । ଡିମ୍ପଲଙ୍କ ଅଭିନୟର ତାରିଫ ସହ ଟେନେଟରେ ତାଙ୍କ କଠିନ ପରିଶ୍ରମ ପାଇଁ ତାଙ୍କୁ ଧନ୍ୟବାଦ ଜଣାଇ ଚିଠିଟି ଲେଖିଛନ୍ତି । ଏଥିସହ ଟେନେଟ ଭାରତରେ ରିଲିଜ ହେବା ଉପଲକ୍ଷେ ସମସ୍ତ ଫ୍ୟାନ୍ସଙ୍କ ପାଇଁ ଏକ ଭିଡିଓ ସେୟାର କରିଛନ୍ତି । ଭିଡିଓରେ ସେ ଟେନେଟ ଫିଲ୍ମର କିଛି ଭଲ ଦୃଶ୍ୟମାନଙ୍କ ମଧ୍ୟରେ ଏକାଧିକ ଡିମ୍ପଲଙ୍କ ସହ ସୁଟ ହୋଇଥିବା କଥା କହିଛନ୍ତି । ଏଥିସହ ଟେନେଟ ଭାରତରେ ରିଲିଜ ହୋଇଯାଇଛି ଓ ଭାରତୀୟ ଦର୍ଶକ ଏହାକୁ ନିଶ୍ଚୟ ପସନ୍ଦ କରିବେ ବୋଲି ମଧ୍ୟ କହିଛନ୍ତି ।ଏନଡିଟିଭି ସହ ଏକ ସାକ୍ଷାତକାରରେ ଡିମ୍ପଲ ଜଣେ ଅର୍ନ୍ତଜାତୀୟ ଫିଲ୍ମ ନିର୍ମାତାଙ୍କ ସହ କାମ କରିବାର ଅଭିଜ୍ଞତା ଜଣାଇଛନ୍ତି । ନିଜ ଅଡିସନ ସମୟରେ କ୍ରିଷ୍ଟୋଫର ନୋଲାନଙ୍କୁ କ୍ୟାମେରା ଧରିଥିବାର ଦେଖି ସେଇଟା ତାଙ୍କ ପାଇଁ ବହୁତ ଅଧିକ ଖୁସିର ସମୟ ଥିଲା ବୋଲି କହିଛନ୍ତି । ସେ ଫିଲ୍ମରେ ଅଭିନୟ କରିପାରିବେ କି ନାହିଁ ତ ଜାଣିନଥିଲେ, ମାତ୍ର କ୍ରିଷ୍ଟୋଫରଙ୍କ ସହ ସେହି ସମୟ ତାଙ୍କ ପାଇଁ ଗୁରୁତ୍ୱପୂର୍ଣ୍ଣ ଥିଲା । ଯେତେବେଳେ ସେ ଫିଲ୍ମରେ ଅଭିନୟ ପାଇଁ ଉର୍ତ୍ତୀର୍ଣ୍ଣ ହେଲେ ସେତେବେଳେ ସେ ବହୁତ ନର୍ଭସ ଥିଲେ ବୋଲି ଜଣାଇଛନ୍ତି ଡିମ୍ପଲ।
