ସାବଧାନ ବାଇକ୍ ଚାଳକ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଦୁଇ ଚକିଆ ଯାନର ପଛରେ ବସିଲେ ମଧ୍ୟ ହେଲମେଟ ପିନ୍ଧିବାକୁ ବାଧ୍ୟ । ଆପଣଙ୍କୁ ଏକଥାଟି ଅଡୁଆ ଲାଗୁ ଥାଇପାରେ । କିନ୍ତୁ ଏହା ସତ । ରାଜ୍ୟ ପରିବହନ କମିଶନର ଏଭଳି ନିୟମକୁ କଡ଼ାକଡି ପାଳନ କରିବା ପାଇଁ ନିର୍ଦ୍ଦେଶ ଦେଇଛନ୍ତି । ପୂର୍ବରୁ ଏହି ନିୟମ କମିଶନର ଜାରି କରିଥିଲେ । ମାତ୍ର ଏହାକୁ କୋହଳ କରାଯାଇଥିଲା । ସଡ଼କ ଦୁର୍ଘଟଣା ଦିନକୁ ଦିନ ବଢ଼ୁଥିବାରୁ କମିଶନର ଏହି ନିୟମକୁ କଡାକଡି ପାଳନ କରିବା ପାଇଁ ନିର୍ଦ୍ଦେଶ ଦେଇଛନ୍ତି । ଦୁଇଚକିଆ ଯାନରେ ତିନିଜଣ ଯାତ୍ରା ପାଇଁ ତ ବାରଣ କରାଯାଇଛି, ଏଣିକି ଦୁଇଜଣ ଯାତ୍ରା କଲେ ମଧ୍ୟ ଉଭୟ ହେଲମେଟ ପିନ୍ଧିବା ପାଇଁ ବାଧ୍ୟ । ଏସମ୍ପର୍କରେ କମିଶନର ଟୁଇଟ କରିଛନ୍ତି ।