କୋଟଗଡ଼(ବଡ଼ ଖବର ବ୍ୟୁରୋ): କନ୍ଧମାଳ ଜିଲ୍ଲା କୋଟଗଡ଼ ବ୍ଲକର ସାର୍ତ୍ତୃଲ ଗ୍ରାମରେ ବାଘର ଆତଙ୍କ । ସେହି ଗ୍ରାମରେ କିଛି ଦିନ ହେଲାଣି ଏକ ବାଘ ଆତଙ୍କ ଖେଳାଉଛି । ପ୍ରତିଦିନ ଦୁଇ ତିନିଟି ଗାଈ-ବଳଦ, ଛେଳି ମାରି ଖାଇ ଦେଉଥିବା ଗ୍ରାମବାସୀ ସୂଚନା ଦେଇଛନ୍ତି । କିଛି ଦିନ ହେବ ସାର୍ତ୍ତୃଲ ସମେତ ଆଖ ପାଖ ଗାଁର ଲୋକ ସନ୍ଧ୍ୟା ହେଲେ ଭୟରେ ଘରୁ ବାହାରି ପାରୁନାହାନ୍ତି । ଗ୍ରାମବାସୀ ନିତ୍ୟ ବ୍ୟବହାରିକ ସାମଗ୍ରୀ ହଉ ବା ସରକାରୀ କାଯ୍ୟକ୍ରମ ପାଇଁ ହଉ କୋଟଗଡ଼ ଉପରେ ନିର୍ଭର କରିଥାନ୍ତି । ଯାହାକି ସେହି ଜଙ୍ଗଲ ରାସ୍ତା ଦେଇ ଯିବା ଆସିବା କରିଥାନ୍ତି । ଏହା ଅଞ୍ଚଳବାସୀଙ୍କ ମନରେ ଭୟ ସୃଷ୍ଟି କରୁଛି । ଗ୍ରାମବାସୀ ବନ ବିଭାଗକୁ ଲିଖିତ ଅଭିଯୋଗ ଦେଇଛନ୍ତି । ଗ୍ରାମବାସୀଙ୍କ ଅଭିଯୋଗ ପାଇବା ପରେ ବନ ବିଭାଗର ଏକ ଦଳ ଘଟଣାର ତଦନ୍ତ ପାଇଁ ସାର୍ତ୍ତୃଲ ଯାଇଛନ୍ତି ।
