ଆଜିଠୁ ଦିଲ୍ଲୀରେ ନାଇଟ୍ କର୍ଫ୍ୟୁ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦିଲ୍ଲୀରେ ଲାଗୁ ହେଲା ନାଇଟ୍ କର୍ଫ୍ୟୁ । କରୋନା ସଂକ୍ରମଣକୁ ଦୃଷ୍ଟିରେ ରଖି ଏପରି ନିଷ୍ପତି ନେଇଛନ୍ତି କେଜ୍ରିୱାଲ ସରକାର । କରୋନାର ଦ୍ୱିତୀୟ ଲହରୀକୁ ନେଇ ନେଇ ବର୍ତ୍ତମାନ ସାରା ଦେଶରେ କୋକୁଆ ଭୟ । ଦିନକୁ ଦିନ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଏପରି ସ୍ଥତିରେ ରାଜଧାନୀ ଦିଲ୍ଲୀରେ ମଧ୍ୟ କରୋନା ସଂକ୍ରମଣ ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ତେଣୁ ଏହାକୁ ନିୟନ୍ତ୍ରଣ କରିବା ପାଇଁ ଅରବିନ୍ଦ କେଜ୍ରିୱାଲଙ୍କ ସରକାର ଦିଲ୍ଲୀରେ ନାଇଟ୍ କର୍ଫ୍ୟୁ ଲଗାଇଛନ୍ତି । ଏହି ନାଇଟ୍ କର୍ଫ୍ୟୁ ରାତି ୧୦ଟାରୁ ସକାଳ ୫ଟା ପର୍ଯ୍ୟନ୍ତ ବଳବତ୍ତର ରହିବ । ତେଣୁ ଏହି କର୍ଫ୍ୟୁ ଆଜି ରାତି ଠାରୁ ଏପ୍ରିଲ ୩୦ ପର୍ଯ୍ୟନ୍ତ ଲାଗୁ ହେବ ବୋଲି ଘୋଷଣା କରାଯାଇଛି ।

ମୁଖ୍ୟମନ୍ତ୍ରୀ ଅରବିନ୍ଦ ଦିନ କେଜ୍ରିୱାଲ କହିଛନ୍ତି ଶୁକ୍ରବାର ଦିନ କହିଛନ୍ତି ଯେ, ଦିଲ୍ଲୀ ବର୍ତ୍ତମାନ କରୋନାର ଚତୁର୍ଥ ତରଙ୍ଗ ଦେଇ ଗତି କରୁଛି । କିନ୍ତୁ ଏପର୍ଯ୍ୟନ୍ତ ତାଲା ପକାଇବା ପାଇଁ ବିଚାର କରାଯାଇନାହିଁ । ନାଇଟ୍ କର୍ଫ୍ୟୁ ସମୟରେ ଟ୍ରାଫିକ୍ ସମୟରେ ଟ୍ରାଫିକ୍ ଆନ୍ଦୋଳନ ବନ୍ଦ ହେବା ନାହିଁ । ଏହାସହିତ ଟିକାକରଣ ପାଇଁ ଯାଉଥିବା ଲୋକଙ୍କୁ ଇ-ପାସ୍ ଦେଖାଇ ଯିବାକୁ ଅନୁମତି ଦିଆଯିବ ବୋଲି ଅଧିକାରୀମାନେ କହିଛନ୍ତି । ଅନ୍ୟପଟେ ଅତ୍ୟାବଶ୍ୟକ ସେବା ଏବଂ ଖୁଚୁରା ବ୍ୟବସାୟୀ, ଯେଉଁମାନେ ରାସନ, ଗ୍ରୋସରୀ ସାମଗ୍ରୀ, ପନପରିବା, କ୍ଷୀର ଏବଂ ଔଷଧ ପାଇଁ ଯାତ୍ରା କରୁଛନ୍ତି ସେମାନଙ୍କୁ ପାସ ପାଇଁ ଅନୁମତି ମିଳିବ । ସେହିପରି ଭାବେ ପ୍ରିଣ୍ଟ ଓ ଇଲେକ୍ଟ୍ରୋନିକ୍ସ ମିଡିଆର ସାମ୍ବାଦିକମାନେ ମଧ୍ୟ ପାସ୍ ଦେଖାଇ ଯାଇପାରିବେ ବୋଲି ନିର୍ଦ୍ଦେଶ ରହିଛି ।