କରୋନା ଲାଗି ବାତିଲ ହେଲା ଦିନିକିଆ ସିରିଜ୍

ଭୁବନେଶ୍ୱର(ବଡ଼ ଖବର ବ୍ୟୁରୋ): କରୋନା ପାଇଁ ବାତିଲ ହେଲା ଇଂଲଣ୍ଡ ସାଉଥ ଆଫ୍ରିକା ଦିନିକିଆ ସିରିଜ । ସାଉଥ ଆଫ୍ରିକା ଗସ୍ତରେ ଯାଇଥିବା ଇଂଲଣ୍ଡର ସମସ୍ତ ମ୍ୟାଚ ବାତିଲ ହୋଇଯାଇଛି । ଶୁକ୍ରବାର ସାଉଥ ଆଫ୍ରିକା ଦଳର ଜଣେ ଖେଳାଳି କରୋନା ପଜିଟିଭ୍ ଚିହ୍ନଟ ହେବାରୁ ଏହି ମ୍ୟାଚକୁ ରବିବାରକୁ ଘୁଞ୍ଚାଇ ଦିଆଯାଇଥିଲା । ଏହା ପରେ ରବିବାର ଇଂଲଣ୍ଡ ଦଳର ଆଉ ଦୁଇ ଜଣ କରୋନା ପଜିଟିଭ ଚିହ୍ନଟ ହେବାରୁ ସମସ୍ତ ୩ଟି ଦିନିକିଆ ସିରିଜକୁ ବାତିଲ କରାଯାଇଛି । ଅନ୍ୟପଟେ ଦକ୍ଷିଣ ଆଫ୍ରିକା ଦଳ ଏବଂ ଭିନେୟାର୍ଡ ହୋଟେଲ ମ୍ୟାନଜମେଣ୍ଟ କହିଛନ୍ତି ଯେ ବାୟୋ-ସୁରକ୍ଷିତ ପରିବେଶ ମଧ୍ୟରେ କରୋନା ଭାଇରସ କିପରି ସଂକ୍ରମିତ ହେଲା ତାହା ସେମାନେ ଅନୁସନ୍ଧାନ କରୁଛନ୍ତି ।