ଦାଦନ ଦୁଃଖ

ଗୋଲାମୁଣ୍ଡା(ବଡ଼ ଖବର ବ୍ୟୁରୋ): ହାଇଦ୍ରାବାଦରୁ ନିଜ ଗ୍ରାମକୁ ଫେରୁଥିବା ବେଳେ ଜଣେ ଦାଦନ ଶ୍ରମିକଙ୍କ ମୃତ୍ୟୁ ହୋଇଛି । ମୃତକ ହେଲେ ଧର୍ମଗଡ଼ ଥାନା ଥନଟ ଗ୍ରାମର ବବ୍ଲୁ ଦୁର୍ଗା । ସେ ହାଇଦ୍ରାବାଦକୁ ଦାଦନ ଖଟିବାକୁ ଯାଇଥିଲେ । ବୁଧବାର ବସ ଯୋଗେ ସେ ନିଜ ଗ୍ରାମକୁ ଫେରୁଥିଲେ । ଫେରୁଥିବା ବେଳେ ବସ ଭିତରେ ହିଁ ତାଙ୍କର ମୃତ୍ୟୁ ହୋଇଯାଇଥିଲା । ସେ ଗତ କିଛିଦିନ ହେଲା ଅସୁସ୍ଥ ଥିଲେ ବୋଲି ତାଙ୍କ ପରିବାର ଲୋକେ କହିଛନ୍ତି । ଧର୍ମଗଡ଼ ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ଡାକ୍ତରଖାନା ପଠାଇ ତଦନ୍ତ ଜାରି ରଖିଛି ।