Before Header

ପୁଣି ହେବ କି ଲକଡାଉନ୍?

0 5,656

କଟକ, (ବଡ଼ ଖବର ବ୍ୟୁରୋ): ସମଗ୍ର ବିଶ୍ୱ ଏବେ ମହାମାରୀ କରୋନା ସହ ଲଢ଼େଇ କରୁଛି। କିନ୍ତୁ ଆମ ଦେଶର ଲୋକମାନେ ଖୋଲାଖୋଲି ଭାବରେ ଅସାବଧାନତା ଅବଲମ୍ବନ କରୁଛନ୍ତି। ଶୀତଦିନେ କରୋନାର ଦ୍ୱିତୀୟ ୱେଭ ପୂରା ବିଶ୍ୱକୁ ପୁଣି ଥରେ ଘାଣ୍ଟିବ ବୋଲି ପୂର୍ବାନୁମାନ କରାଯାଇଛି। ଏଥିପାଇଁ ଆମେ ପ୍ରସ୍ତୁତି କରିବା ଦୂର କଥା, ଏ ବିଷୟରେ ଚିନ୍ତା କରିବାକୁ ମଧ୍ୟ ପସନ୍ଦ କରୁନାହୁଁ। ଏହି ଅବହେଳା ଏକ ଭୟଙ୍କର ଘଟଣାକୁ ଆମନ୍ତ୍ରଣ କରୁନାହିଁ ତ?
ସୂଚନା ଅନୁଯାୟୀ, କରୋନାର ଦ୍ୱିତୀୟ ୱେଭ ଆସିବା ହେତୁ ଦୁନିଆର ଅନେକ ଦେଶରେ ଭୟଙ୍କର ପରିସ୍ଥିତି ସୃଷ୍ଟି ହେଉଛି। ଫ୍ରାନ୍ସ ଏବଂ ବେଲଜିୟମରେ ତାଲା ପଡ଼ିଛି। ରୋଗୀଙ୍କ ପାଇଁ ଶଯ୍ୟା ନାହିଁ। ଆଇସିୟୁ ପୂର୍ଣ୍ଣ ହୋଇଛି। ଇଂଲଣ୍ଡରେ ପୁଣି ଗୋଟିଏ ମାସ ଲକଡାଉନ୍ ହେବାକୁ ଯାଉଛି। ଆମେରିକାରେ ଦିନକୁ ଏକ ଲକ୍ଷରୁ ଅଧିକ ନୂଆ ମାମଲା ଚିହ୍ନଟ ହେଉଛି। ସମସ୍ତେ ବିଶ୍ୱାସ କରନ୍ତି ଯେ ଶୀତଦିନେ ପୁଣି ଥରେ କରୋନା ବିସ୍ତାର ହେବ। ଦେଶର ସ୍ୱାସ୍ଥ୍ୟମନ୍ତ୍ରୀ ମଧ୍ୟ କହିଥିଲେ ଯେ ଶୀତଦିନେ କରୋନା ମାମଲା ବଢ଼ିପାରେ। ଟିକା କେବେ ଆସିବ ସେଥିପାଇଁ କୌଣସି ନିର୍ଦ୍ଦିଷ୍ଟ ସୂଚନା ଆସିନି। ଯଦି କରୋନାର ଦ୍ୱିତୀୟ ୱେଭ ଭାରତକୁ ଆସିବ, ତେବେ ଆମେ ଏହା ପାଇଁ ପ୍ରସ୍ତୁତ ଅଛୁ କି? ଅତ୍ୟଧିକ ସଂକ୍ରମଣ ପାଇଁ ଆଉ ଡାକ୍ତରଖାନା ପ୍ରସ୍ତୁତ ନାହିଁ। ଏଭଳି ପରିସ୍ଥିତିରେ ଏହି ଭୟଙ୍କର ପରିସ୍ଥିତିର ମୁକାବିଲା କରିବା ଅସମ୍ଭବ ମନେହେଉଛି। ଯଦି ଭବିଷ୍ୟତରେ ପୂର୍ବପରି କିଛି ଭୟଙ୍କର ପରିସ୍ଥିତି ସୃଷ୍ଟି ହୁଏ ତେବେ ସରକାର ସଂକ୍ରମଣକୁ ଏଡ଼ାଇବା ପାଇଁ ଲକଡାଉନ କଥା ଚିନ୍ତା କରିବା କିଛି ବିଚିତ୍ର ଲାଗୁନି।

Leave A Reply

Your email address will not be published.