ଚୀନକୁ ଭରସା ନାହିଁ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଚୀନକୁ ଭରସା ନାହିଁ କି ବିଶ୍ୱାସ ନାହିଁ । ଚୀନ ସହ ତିକ୍ତତା ମଧ୍ୟରେ ଭାରତ ନେଇଛି ଏକ ବଡ଼ ପଦକ୍ଷେପ । ଲଦାଖ ସୀମାରେ ୧୫ ଦିନ ଯୁଦ୍ଧ ପାଇଁ ଅସ୍ତ୍ରଶସ୍ତ୍ର ଏବଂ ଗୁଳିଗୋଳା ପ୍ରସ୍ତୁତି ପାଇଁ ସୁରକ୍ଷା ବାହିନୀକୁ କ୍ଷମତା ଦିଆଯାଇଛି ।

ପୂର୍ବରୁ ଚୀନ ବହୁବାର ଭାରତ ସୀମା ଭିତରେ ଅନୁପ୍ରବେଶ କରିଛି । ଦୁଇ ଦେଶ ମଧ୍ୟରେ କମାଣ୍ଡ ସ୍ତରୀୟ ବାରମ୍ବାର ଆଲୋଚନା ସତ୍ୱେ ଡ଼୍ରାଗନ ନିଜ ଜିଦରେ ଅଟଳ ରହିଛି । ଚୀନ ସୀମାକୁ ଲାଗି ରହିଥିବା ଭାରତ କିଛି ଅଞ୍ଚଳକୁ ଡ଼୍ରାଗନ ନିଜର ବୋଲି ଦାବି କରୁଛି । କିନ୍ତୁ ନୂଆଦିଲ୍ଲୀ ଏଥିରେ ସହମତ ହୋଇପାରୁନାହିଁ । ପ୍ରତିରକ୍ଷା ମନ୍ତ୍ରୀ ସ୍ପଷ୍ଟ କରିଛନ୍ତି ଭାରତର ଗୋଟିଏ ଇଞ୍ଚ ଜାଗା କେହି ନେଇ ପାରିବେ ନାହିଁ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ସାମ୍ରାଜ୍ୟବାଦ ନୀତୀର ତୁରନ୍ତ ଅନ୍ତ ଘଟିବ ।