ସେଲ୍ଫି ନେଉଥିଲେ ଜଳିଗଲେ
ପାରଳାଖେମୁଣ୍ଡି (ବଡ଼ ଖବର ବ୍ୟୁରୋ): ପାରଳାଖେମୁଣ୍ଡି ଷ୍ଟେସନ ରେ ଜଣେ ଯୁବକ ଟ୍ରେନ ଉପରେ ଚଢି ସେଲ୍ଫି ନେଉଥିବା ବେଳେ ଘଟିଛି ଅଘଟଣ । ପାରଳାଖେମୁଣ୍ଡି ଗୌରଚନ୍ଦ୍ରସାହିର ସୂର୍ଯ୍ୟକୁମାର ଟ୍ରେନରେ ଚଢି ସେଲ୍ଫି ନେଉଥିବା ବେଳେ ଅଜାଣତରେ ଉଚ୍ଚଶକ୍ତି ସମ୍ପର୍ଣ୍ଣ ବିଦ୍ୟୁତ ତାର ସଂସ୍ପର୍ଶରେ ଆସି ଯାଇଥିଲେ । ସେ ନିଜେ ଜାଳିବା ସହ ଟ୍ରେନ ବଗିରେ ମଧ୍ୟ ଲାଗିଥିଲା ନିଆଁ ।ଖବର ପାଇ ଅଗ୍ନିଶମ ବିଭାଗ କର୍ମଚାରୀ ମାନେ ଘଟଣା ସ୍ଥଳରେ ପହଂଚି ନିଆଁକୁ ଆୟତ କରିଥିଲେ ।
ମହାମାରୀ କରୋନା ଯୋଗୁ ଏବେ ଟ୍ରେନ୍ ଗୁଡ଼ିକ ଚଳାଚଳ ବନ୍ଦ ରହିଛି। ସେଥିପାଇଁ ଟ୍ରେନ୍ ଗୁଡ଼ିକ ବିଭିନ୍ନ ଷ୍ଟେସନ୍ରେ ଅଟକି ରହିଛି। ପାରଳାଖେମୁଣ୍ଡି ଷ୍ଟେସନ୍ରେ ଛିଡ଼ା ହୋଇଥିବା ଏକ ଟ୍ରେନ୍ ଉପରେ ପାଲ ଘୋଡ଼ା ଯାଇଥିଲା। ସେହି ଟ୍ରେନ୍ ଉପରେ ଛିଡ଼ା ହୋଇ ଜଣେ ଯୁବକ ସେଲ୍ଫି ନେଉଥିଲେ। ଏହି ସମୟରେ ଟ୍ରେନ୍ ଉପରେ ଯାଇଥିବା ଉଚ୍ଚ ଶକ୍ତି ସମ୍ପନ୍ନ ବିଦ୍ୟୁତ ତାର ସଂସ୍ପର୍ଶରେ ଯୁବକ ଜଣକ ଆସିଥିଲେ। ଫଳରେ ସେ ଜଳି ଯାଇଥିଲେ। ପରେ ନିଆଁ ଟ୍ରେନ୍ରେ ଲାଗି ଯାଇଛି। ଟ୍ରେନ୍ର ଗୋଟିଏ ବଗି ଜଳି ଯାଇଛି। ଏବେ ନିଆଁ ଆୟତ୍ତରେ ନିୟୋଜିତ ହୋଇଛନ୍ତି ଅଗ୍ନିଶମ କର୍ମଚାରୀ।