ଜଟଣୀ (ବଡ଼ ଖବର ବ୍ୟୁରୋ): ନୂଆ ବର୍ଷରେ ଜଟଣୀ ଟାଉନ୍ ଖାସ ମହଲରେ ବସବାସ କରୁଥିବା ଲୋକଙ୍କୁୂ ଭେଟି ଦେବେ ଜଟଣୀ ତହସିଲଦାର ତପନ କୁମାର ମହାପାତ୍ର ।ଦୀର୍ଘ ବର୍ଷଧରି ପଡ଼ି ରହିଥିବା କାର୍ଯ୍ୟକୁ ହାତକୁ ନେଇଛନ୍ତି ତହସିଲଦାର । ଜଟଣୀ ଟାଉନ୍ ଖାସ ମହଲ ଅଂଚଳରେ ପ୍ରାୟ ୧୫୦୦ରୁ ଉଦ୍ଧ୍ୱର୍ ପରିବାର ବସବାସ କରୁଛନ୍ତି । ପ୍ରାୟ ୫୦ ହେବ ଏହି ସବୁ ଅଂଚଳ ଲିଜ ସରିଯାଇଥିବାରୁ ଲୋକେ ବହୁ ହଇରାଣର ସମ୍ମୁଖୀନ ହେଉଛନ୍ତି । ନିଜ ପିଲାଙ୍କ ପାଠ ପଢ଼ିବା ପାଇଁ ବାସିନ୍ଦା ପ୍ରମାଣ ପତ୍ର, ଘର କରିବା ପାଇଁ ବ୍ୟାଙ୍କ ଋଣ ଇତ୍ୟାଦି ସୁବିଧା ଲୋକମାନେ ପାଇବାରୁ ବଂଚିତ ହେଉଛନ୍ତି । ଏପରିକି ଉକ୍ତ ମୌଜା ବିକ୍ରୟ କବଲା ମଧ୍ୟ ସମ୍ପାଦନ ହେଉନାହିଁ । ଯାହାଦ୍ୱାରା ଲୋକମାନେ ନାହିଁ ନ ଥିବା ହଇରାଣର ସମ୍ମୁଖୀନ୍ନ ହେଉଛନ୍ତି ।
