ପିପିଲି(ବଡ଼ ଖବର ବ୍ୟୁରୋ): ଭାରତୀୟ ଭାଷା ଅନ୍ଦୋଳନ ଦ୍ୱାରା ଏକ ରାଷ୍ଟ୍ରୀୟ ସାଇକେଲ ଯାତ୍ରା ଆୟୋଜନ କରାଯାଇଛି ।ଏହି ସାଇକେଲ ଯାତ୍ରା ପୁରୀ ଶ୍ରୀମନ୍ଦିର ସମ୍ମୁଖରୁ ଭୁବନେଶ୍ୱର ଅଭିମୁଖେ ବାହାରିଛି । ଆଶୁକବି ତଥା ପୂର୍ବତନ ସାଂସଦ ଡ଼ାକ୍ତର ପ୍ରସନ୍ନ ପାଟ୍ଟଶାଣୀ ଓ ପୁରୀ ବିଧାୟକ ଉପସ୍ଥିତ ରହି ଏହାର ଶୁଭାରମ୍ଭ କରିଥିଲେ । ରାଷ୍ଟ୍ରୀୟ ଅଧ୍ୟକ୍ଷ ଉଚ୍ଚ ନ୍ୟାୟାଳୟର ବରିଷ୍ଠ ଓକିଲ ଅରୁଣ ଭରଦ୍ୱାଜଙ୍କ ନେତୃତ୍ୱରେ ଭାଷା ଆନ୍ଦୋଳନ ସମଗ୍ର ଦେଶରେ ଆୟୋଜିତ କରାଯାଇଛି । ଆଂଚଳିକ ଭାଷାରେ ସରକାରୀ ଦପ୍ତରରେ ଲେଖାପଢା ସହିତ ନ୍ୟାୟାଳୟରେ ଇଂରାଜୀ ପରିବର୍ତ୍ତେ ଆଂଚଳିକ ଭାଷାକୁ ଗୁରୁତ୍ୱ ଦେବା ଆନ୍ଦୋଳନର ମୁଖ୍ୟ ଉଦ୍ଦେଶ୍ୟ ବୋଲି ରାଷ୍ଟ୍ରୀୟ ଅଧ୍ୟକ୍ଷ ଏବଂ ଡ଼ାକ୍ତର ପାଟ୍ଟଶାଣୀ କହିଛନ୍ତି । ଭାଷା ଅନ୍ଦୋଳନ ପିପିଲିରେ ପଂହଚି ଲୋକଙ୍କୁ ସଚେତନ କରାଇଥିଲେ । ପିପିଲି ସାମ୍ବାଦିକ ସଂଘ ଓ ପିପିଲି ମହିଳା ବିକାଶ ମଂଚ ପକ୍ଷରୁ ସାଇକେଲ ଅରୋହୀଙ୍କୁ ଫୁଲମାଳ ଦେଇ ସ୍ୱାଗତ ସମ୍ବର୍ଦ୍ଧନା କରାଯାଇଛି ।
