ବିଜେଡି ଛାଡିଲେ ଆଠମଲ୍ଲିକ ବିଧାୟକ ରମେଶ ସାଏ

ଭୁବନେଶ୍ଵର (ବଡ଼ ଖବର ବ୍ୟୁରୋ): ବିଜେଡି ଛାଡିଲେ ଆଠମଲ୍ଲିକ ବିଧାୟକ ରମେଶ ସାଏ । ବିଜେଡିର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଛନ୍ତି ଆଠମଲ୍ଲିକ ବିଧାୟକ ରମେଶ ସାଏ । ବ୍ୟକ୍ତିଗତ କାରଣ ଦର୍ଶାଇ ସେ ଦଳରୁ ଇସ୍ତଫା ଦେଇଛନ୍ତି । ପୂର୍ବରୁ ଦଳରେ କୋଣଠେସା ହୋଇପଡିଥିବା ଆଠମଲ୍ଲିକ ବିଧାୟକ ରମେଶ ସାଏ ଦଳ ଛାଡିବା ନେଇ ଚର୍ଚ୍ଚା ହେଉଥିଲା ।

ତେବେ ନଳିନୀକାନ୍ତ ପ୍ରଧାନଙ୍କୁ ପ୍ରାର୍ଥୀ କରାଯିବା ପରେ ସେ ଦଳ ଛାଡିଥିବା ଚର୍ଚ୍ଚା ହେଉଛି । ତେଣୁ ଏଥିରେ ଅସନ୍ତୋଷ ପ୍ରକାଶ କରି ରମେଶ ସାଏ ଇସ୍ତଫା ଦେଇଥିବା ଚର୍ଚ୍ଚା ହେଉଛି। କେବଳ ରମେଶ ସାଏ ନୁହଁନ୍ତି, ଗତ ୨୪ ଘଣ୍ଟା ଭିତରେ ଶଙ୍ଖ ସହ ସଂପର୍କ ତୁଟାଇଲେଣି ୨ ଜଣ ସିଟିଂ ବିଧାୟକଙ୍କ ସହ ୬ ଜଣ ବରିଷ୍ଠ ନେତା। ରମେଶ ସାଏ ଇସ୍ତଫା ଦେବା ପରେ ପରେ ଆଠମଲ୍ଲିକର ବ୍ଲକ ସଭାପତିଙ୍କ ସହ ବହୁତ କର୍ମୀ ବିଜେଡି ଦଳକୁ କରିଛନ୍ତି ବାଏ ବାଏ । ଅନ୍ୟପଟେ ରମେଶ ସାଏ ଖୁବ୍ ଶୀଘ୍ର ବିଜେପିରେ ମିଶିବେ ବୋଲି ଚର୍ଚ୍ଚା ହେଉଛି ।