ରାସ୍ତା ପାଲଟିଛି ମରଣଯନ୍ତା

ପିପିଲି(ବଡ଼ ଖବର ବ୍ୟୁରୋ):ପିପିଲି-ଜଟଣୀ ରାସ୍ତା ପାଲଟିଛି ମରଣଯନ୍ତା। ରାସ୍ତା ଖାଲଖମା ଭରପୁର ଥିବା ବେଳେ ଯାତାୟାତ ରେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ଲୋକେ । ବିଶେଷକରି ବାରିମୂଳ ଠାରୁ କଣ୍ଟି ପର୍ଯ୍ୟନ୍ତ ରାସ୍ତାରେ ପିଚୁ ଉଠିଯାଇଥିବା ବେଳେ ଗୋଡି ଉଠି ଖାଲ ଖମା ରେ ଭରପୁର ହେଲାଣି । କିନ୍ତୁ ରାସ୍ତା ମରାମତି ହେଉନଥିବା ବେଳେ ଦୈନଦିନ ଯମଯଂତ୍ରଣା ଭୋଗୁଛନ୍ତି ଲୋକେ । ପୂର୍ତ୍ତ ବିଭାଗ ଦ୍ଵାରା ଲକ୍ଷାଧିକ ଟଙ୍କାରେ ନିର୍ମାଣ ହୋଇଥିବା ରାସ୍ତା ଗତ ବନ୍ୟାରେ କ୍ଷତିଗ୍ରସ୍ତ ହୋଇଥିବା ବେଳେ ରାସ୍ତା ମରାମତି ହୋଇନଥିବାରୁ ବିଭିନ୍ନ ସମୟରେ ଛୋଟ ବଡ ଦୁର୍ଘଟଣା ଘଟୁଥିବା ଅଭିଯୋଗ କରିଛନ୍ତି ସ୍ଥାନୀୟ ବାସିନ୍ଦା।