ପର କରିଦେଲା ମା’

ବ୍ରହ୍ମପୁର(ବଡ଼ ଖବର ବ୍ୟୁରୋ): ନନ୍ଦନକାନନ ଯିବ ଛୁଆ ହାତୀ । ମଙ୍ଗଳବାର ସୋରଳ ନିକଟ ବାହୁଡା ନଦୀ ସମୁଦ୍ରମୁହାଣରୁ ହାତୀପଲ୍ଲରୁ ଉଦ୍ଧାର ହୋଇଥିବା ହାତୀ ଶାବକକୁ ବନ ବିଭାଗ ଦୀର୍ଘ ସମୟ ଧରି ହାତୀ ପଲ୍ଲକୁ ଘଉଡାଇବାକୁ ଚେଷ୍ଟା କରିଥିଲେ । ହାତୀ ପଲ୍ଲରେ ଛୁଆ ହାତୀକୁ ଉଦ୍ଧାର କରି ଟାମଣାସ୍ଥିତ ଫରେଷ୍ଟ ବିଟ ହାଉସରେ ରଖି ତାର ସେବା କରିଥିଲେ । ତା ଦେହରେ ସାମାନ୍ୟ ଆଘାତ ଲାଗିଥିବାରୁ ଜଣେ ପ୍ରାଣୀ ଚିକିତ୍ସକ ତାର ଚିକିତ୍ସା କରିଛନ୍ତି । ବନବିଭାଗ କର୍ମଚାରୀ ତାକୁ କ୍ଷୀର ସହ କଦଳୀ ଓ ଅନ୍ୟାନ୍ୟ ଖାଦ୍ୟ ଦେଉଛନ୍ତି । ଆଜି ହାତୀ ଛୁଆକୁ ନନ୍ଦନକାନନ ପଠାଯିବ ବୋଲି ବ୍ରହ୍ମପୁର ଅଧିକାରୀ ଅମ୍ଳାନ ନାୟକ ସୂଚନା ଦେଇଛନ୍ତି ।