ମାଓବାଦୀଙ୍କ ଆୟ ସ୍ରୋତକୁ ବନ୍ଦ କରାଯାଉ: ଗୃହମନ୍ତ୍ରୀ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଦେଶରେ ବର୍ତ୍ତମାନ କିଛି କିଛି ରାଜ୍ୟରେ ମାଓବାଦୀ ସମସ୍ୟା ଦେଖିବାକୁ ମଳିଛି । ଏହି ରାଜ୍ୟମାନଙ୍କ ମଧ୍ୟରୁ ଓଡ଼ିଶା ଅନ୍ୟତମ । ମାଓବାଦୀକୁ ନେଇ ରାଜ୍ୟ ସରକାର ଅନେକ ପଦକ୍ଷେପ ନେବା ସତ୍ତେ୍ୱ ଏହାକୁ ସମ୍ପୂର୍ଣ୍ଣ ଭାବରେ ରୋକିବାରେ ଅସମର୍ଥ ହୋଇଆସୁଛନ୍ତି । ଏହା ମଧ୍ୟରେ ୪ ଦିନିଆ ଗସ୍ତରେ ଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୃହମନ୍ତ୍ରୀ ଅମିତ ଶାହଙ୍କ ସହ ଏବାବଦରେ ଆଲୋଚନା କରିଥିବାର କଥା ସାମ୍ନାକୁ ଆସିଛି ।

ତେବେ ମାଓବାଦୀଙ୍କ ଆୟ ସ୍ରୋତକୁ ଖୁବଶୀଘ୍ର ବନ୍ଦ କରାଯାଉ ବୋଲି ଅମିତ ଶାହ କହିଛନ୍ତି । ରାଜ୍ୟ ସରକାର ଓ କେନ୍ଦ୍ର ସରକାର ଉଭୟଙ୍କୁ ମିଶି ମାଓବାଦୀଙ୍କ ଆୟ ସ୍ରୋତକୁ ବନ୍ଦ କରାଯାଉ । ଏହା ସହ ଆସନ୍ତା ଗୋଟିଏ ବର୍ଷ କେବଳ ମାଓବାଦୀ ଓ ନକ୍ସଲମାନଙ୍କୁ ଦମନ କରିବାକୁ ପ୍ରାଥମିକତା ଦିଆଯାଉ ବୋଲି ଅମିତ ଶାହ କହିଛନ୍ତି ।