ମାହାଙ୍ଗା(ବଡ଼ ଖବର ବ୍ୟୁରୋ): ମାହାଙ୍ଗାରେ ବିଜେପି ନେତାଙ୍କ ହତ୍ୟା ଘଟଣାକୁ ନେଇ ବଢୁଛି ବିବାଦ । ଏନେଇ ବିଜେପି ସିଧାସଳଖ ଭାବେ ବିଜେଡିକୁ ଟାର୍ଗେଟ କରିଛି । ନ୍ୟାୟ ପାଇଁ କଟକରେ ବିଜେପି ତରଫରୁ ବିକ୍ଷୋଭ ପ୍ରଦର୍ଶନ କରାଯାଇଛି । ଏହି ଘଟଣାରେ ଆଇନମନ୍ତ୍ରୀ ପ୍ରତାପ ଜେନାଙ୍କ ଇସ୍ତଫା ଦାବୀ କରିଛି ବିଜେପି। ମୃତ କୁଳମଣି ବରାଳ ଓ ଦିବ୍ୟସିଂହ ବରାଳ ପଞ୍ଚାୟତରେ ପ୍ରଧାନମନ୍ତ୍ରୀ ଆବାସ ଯୋଜନାରେ ହୋଇଥିବା ଦୁର୍ନୀତିକୁ ନେଇ ସାମ୍ନାକୁ ଆସିଥିଲେ । ଏଥିପାଇଁ ତାଙ୍କ ଜୀବନ ବିପଦ ଥିବାର କଥା ବହୁବାର ପ୍ରଶାସନକୁ ଜଣାଇଥିଲେ । ହେଲେ ପୋଲିସ ସୁରକ୍ଷା ପାଇଁ କୋଣସି ପଦକ୍ଷେପ ନେଇନଥିଲା । ରାଜନୈତିକ ଦଳ ତଥା ଆଇନମନ୍ତ୍ରୀ ପ୍ରତାପ ଜେନାଙ୍କ ଇଶାରାରେ ଏପରି ହେଉଥିବାର ଅଭିଯୋଗ ଆସିଛି । ତେବେ ଶାସକ ଦଳର ମନମୁଖି ରାଜୁତି କରିବାର ଆରୋପ ଆଣିଛି ବିଜେପି ।ଅପରାଜିତା ଷଡଙ୍ଗୀ କଡା ପଦକ୍ଷେପ ଗ୍ରହଣ କରିବାପାଇଁ ଟ୍ୱିଟ ଯୋଗେ ସୂଚାଇଛନ୍ତି ।
The brutal murder of BJP karyakarta- Sri Kulmani Baral,in Mahanga block of Cuttack district last night is highly shocking.This is a political murder; BJD goons silenced him since he was unearthing corruption under PM Awaas Yojana. Is Odisha going the West Bengal way? @BJP4Odisha pic.twitter.com/1MyHJaF83i
— Aparajita Sarangi, Member of Parliament (@AprajitaSarangi) January 3, 2021
ସେହିପରି ସମ୍ବିତ ପାତ୍ର ଟ୍ୱିଟ ଯୋଗେ କହିଛନ୍ତି ଯେ, ଆଇନମନ୍ତ୍ରୀ ପ୍ରତାପ ଜେନାଙ୍କ ବିରୁଦ୍ଧରେ ସ୍ୱର ଉଠାଥିବାରୁ ବିଜେପି ନେତା କୁଳମଣି ବରାଳଙ୍କୁ ଅତି ନିର୍ମମ ଭାବେ ହତ୍ୟା କରାଯାଇଛି । ଏଫଆଇଆରରେ ମନ୍ତ୍ରୀଙ୍କ ନାମ ଉଲ୍ଲେଖ ଥିବା ପରେ ବି କୋଣସି କାର୍ଯାନୁଷ୍ଠାନ ଗ୍ରହଣ କରାଯାଇନାହିଁ ।
