ଜର୍ମାନୀକୁ ଫେରିଲା ଲକ୍ଡ଼ାଉନ

ଜର୍ମାନୀ : ଜର୍ମାନୀରେ ଜାନୁଆରୀ ୩୧ ଯାଏଁ ଲକଡ଼ାଉନ ଘୋଷଣା କରାଯାଇଛି । କରୋନା ସଂକ୍ରମଣ ବଢୁଥିବାରୁ ଏପରି ନିଷ୍ପତ୍ତି ନିଆଯାଇଛି । ଜର୍ମାନୀର ୧୬ଟି ସଂଙ୍ଗୀୟ ରାଜ୍ୟର ମୁଖ୍ୟଙ୍କ ସହ ଆଲୋଚନା ପରେ କରେନା ସଂକ୍ରମଣକୁ ରୋକିବା ପାଇଁ ଏହି ଲକଡ଼ାଉନ ଘୋଷଣା କରାଯାଇଛି । ସ୍କୁଲ, କଲେଜ, ଦୋକାନ ଓ ରେଷ୍ଟୁରାଣ୍ଟ ସବୁ ବନ୍ଦ ରହିବ । ଅନ୍ୟପକ୍ଷେ ଜରୁରୀ ନଥିଲେ ଘରୁ ନବାହାରିବାକୁ ପରାମର୍ଶ ଦିଆଯାଇଛି । ଜଣେ ବ୍ୟକ୍ତି ସର୍ବସାଧାରଣ ସ୍ଥାନରେ କେବଳ ଜଣେ ବ୍ୟକ୍ତିକୁ ହିଁ ଦେଖାକରିପାରିବ । ଏହାପୂର୍ବରୁ ୫ଜଣଙ୍କୁ ଦେଖାକରିବାର ଅନୁମତି ଥିଲା । କରୋନାର ନୂଆ ଷ୍ଟ୍ରେନ ଦୃତ ଗତିରେ ବ୍ୟାପୁଥିବାରୁ ବ୍ରିଟେନ ପରେ ଜର୍ମାନୀରେ ଏପରି ନିଷ୍ପତ୍ତି ନିଆଯାଇଛି ।