ଭୁବନେଶ୍ୱର(ବଡ଼ ଖବର ବ୍ୟୁରୋ): ଆଜି ହେଉଛି ପବିତ୍ର ମକର ସଂକ୍ରାନ୍ତି । ବାର ମାସର ତେର ପର୍ବ ମଧ୍ୟରୁ ଏହା ଅନ୍ୟତମ । ଏଥିପାଇଁ ସକାଳୁ ମନ୍ଦିରରେ ଭକ୍ତଙ୍କ ଗହଳି ଦେଖିବାକୁ ମିଳିଛି । ଦୀର୍ଘ ୯ମାସ ପରେ ସବୁ ମନ୍ଦିର ଲୋକାରଣ୍ୟ ହୋଇଛି । ଆଜି ଭଳି ପବିତ୍ର ଦିନରେ ପ୍ରତ୍ୟେକ ଘରେ ମକର ଚାଉଳ ଓ ପିଠାପଣା ବାସ୍ନାରେ ପରିବେଶ ପୁରି ଉଠୁଛି । ଆଜି ଦିନର ବୈଶିଷ୍ଟ୍ୟ ହେଉଛି, ସୂର୍ଯ୍ୟଦେବ ଏହି ଦିନରେ ଧନୁ ରାଶିରୁ ମକର ରାଶିକୁ ଚଳିଥା’ନ୍ତି । ଅର୍ଥାତ ଆଜି ପରଠୁ ଦିନ ବଡ଼ ହୋଇଥାଏ ।
ତେବେ ଶ୍ରୀମନ୍ଦିରରେ ମଧ୍ୟ ଖୁବ ଧୁମଧାମରେ ମକର ରୀତିନୀତି ଅନୁଷ୍ଠିିତ ହେଉଛି । ଆଜିର ପବିତ୍ର ତିଥିରେ ଚୋରାଅଶୀ ବେଶରେ ସଜ୍ଜିତ ହୋଇଛନ୍ତି ମହାପ୍ରଭୁ ।
ଏହି ବେଶକୁ ଦେଖିବା ପାଇଁ ଆଜି ପୁରୀରେ ଲକ୍ଷାଧିକ ଭକ୍ତଙ୍କ ସମାଗମ ଦେଖିବାକୁ ମିଳିଛି ।
