ହାଇସ୍କୁଲ ସ୍ଥିତି ପରଖିଲେ ୫ଟି ସଚିବ

ଭୁବନେଶ୍ୱର (ବଡ଼ ଖବର ବ୍ୟୁରୋ): ସ୍କୁଲ ପରିଦର୍ଶନ କରି ସ୍ଥିତି ପରଖିଲେ ୫ଟି ସଚିବ ଭିିକେ ପାଣ୍ଡିଆନ । ରବିବାର ସକାଳୁ ସକାଳୁ ରାଜଧାନୀ ଭୁବନେଶ୍ୱରର ବିଭିନ୍ନ ସ୍କୁଲ ସେ ପରିଦର୍ଶନ କରିଥିଲେ । ମୋ’ ସ୍କୁଲ କାର୍ଯ୍ୟକ୍ରମର ଅନୁଧ୍ୟାନ କରିଛନ୍ତି ୫ଟି ସଚିବ । ସ୍କୁଲରେ ପାଠପଢା ପରିବେଶ ସୃଷ୍ଟି ନେଇ କରିଛନ୍ତି ଆଲୋଚନା ।

ଆଜି ସକାଳୁ ସକାଳୁ ୫ଟି ସଚିବଙ୍କ ରାଜଧାନୀ ଭୁବନେଶ୍ୱରସ୍ଥିତ ୟୁନିଟ୬, ୟୁନିଟ୧, କ୍ୟାପିଟାଲ ହାଇସ୍କୁଲ, ବିଡ଼ିଏ ସ୍ଥିତ ୟୁନିଟ ୯ ବାଳିକା ହାଇସ୍କୁଲ ଓ ଆଇଆରସି ଭିଲେଜ ହାଇସ୍କୁଲ ଗସ୍ତ କରି ସମୀକ୍ଷା କରିଛନ୍ତି । ସ୍ମାର୍ଟ କ୍ଲାସରୁମ, ଲାଇସେନ୍ସ ଲ୍ୟାବ୍, ଲାଇବ୍ରେରୀ ରୁମ, କ୍ରୀଡ଼ା ସୁବିଧା ଓ ଦଶମ ରେଜଲ୍ଟ ନେଇ ପଚାରି ବୁଝିଛନ୍ତି ୫ଟି ସଚିବ । ଏହାସହିତ କିପରି ରେଜଲ୍ଟରେ ଉନ୍ନତି ଆସିବ ସେନେଇ ମଧ୍ୟ ସ୍କୁଲ କର୍ତୃପକ୍ଷଙ୍କ ସହ ଆଲୋଚନା କରିଛନ୍ତି । ତାଙ୍କ ସହ ବିଏମସି କମିଶନର ପ୍ରେମଚନ୍ଦ୍ର ଚୌଧୁରୀ ମଧ୍ୟ ଗସ୍ତ କରିଥିଲେ ।