ମୁମ୍ବାଇ(ବଡ଼ ଖବର ବ୍ୟୁରୋ): ବଲିଉଡ ଅଭିନେତା ତଥା ନିର୍ଦ୍ଦେଶକ ମହେଶ ମଞ୍ଜରେକରଙ୍କ ନାଁରେ ହେଲା ମାମଲା ରୁଜୁ । ପୁଣେର ଏକ ଥାନାରେ ମହେଶଙ୍କ ନାଁରେ ହୋଇଛି ଏଫ୍ଆଇଆର ରୁଜୁ । ଜଣେ ବ୍ୟକ୍ତିଙ୍କୁ ମାରପିଟ କରିବା ସହ ଅସଭ୍ୟ ଭାଷାରେ ଗାଳିଗୁଲଜ କରିବା ଅଭିଯୋଗରେ ଆସିଛି ମାମଲା । ଗତ ୧୫ତାରିଖରେ ଏକ ରୋଡ ରେଜ ମାମଲାରେ ମହେଶ ଜଣେ ବ୍ୟକ୍ତିଙ୍କୁ ମାଡ ମାରିଥିଲେ । ଏଥସହ ତାଙ୍କୁ ଅସଭ୍ୟ ଭାଷାରେ ଗାଳିଗୁଲଜ ମଧ୍ୟ କରିଥିଲେ । ଏନେଇ ସମ୍ପୃତ ବ୍ୟକ୍ତି ଜଣଙ୍କ ପୁଣେର ଏକ ଥାନାରେ ଅଭିଯୋଗ କରିଥିଲେ । ପୁଲିସ ମହେଶଙ୍କ ନାଁରେ ଏକ ଅଜ୍ଞାତ ଅପରାଧ ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଦେଇଥିଲେ ।
ପୂର୍ବରୁ ୨୦୨୦ରେ ମହେଶଙ୍କୁ କେହି ଜଣେ ବ୍ୟକ୍ତି ୩୫କୋଟି ଟଙ୍କା ମାଗିବା ସହ ଧମକ ଦେବା ନେଇ ଥାନାରେ ଅଭିଯୋଗ କରିଥିଲେ । ମହେଶ ମଞ୍ଜରେକର ଫିଲ୍ମ ନିର୍ଦ୍ଦେଶନା ସହ ପ୍ରଯୋଜନା, ରାଇଟିଂ ଠାରୁ ଆରମ୍ଭ କରି ପ୍ରଡକ୍ସନରେ ମଧ୍ୟ କାମ କରିଛନ୍ତି । ଅଧିକାଂଶ ବଲିଉଡ ଫିଲ୍ମରେ ମହେଶଙ୍କୁ ଖଳନାୟକ ଭୂମିକାରେ ଦେଖିବାକୁ ମିଳେ । ମହେଶ ଏବେ ସଲମାନ ଖାନଙ୍କ ଅପକମିଙ୍ଗ ଫିଲ୍ମ “ଅନ୍ତିମ: ଦ ଫାଇନାଲ ଟ୍ରୃଥ“ର ନିର୍ଦ୍ଦେଶନାରେ ବ୍ୟସ୍ତ ଅଛନ୍ତି ।
