ରମାଦେବୀ ମହିଳା ବିଶ୍ୱବିଦ୍ୟାଳୟ ଛାତ୍ରୀଙ୍କ ମୃତ୍ୟୁ, ୨ ଅଭିଯୁକ୍ତ ଚିହ୍ନଟ

ଯାଜପୁର (ବଡ଼ ଖବର ବ୍ୟୁରୋ): ରମାଦେବୀ ୟୁନିଭରସିଟି ଯୁବତୀ ଝରାଫୁଲଙ୍କ ମୃତ୍ୟୁକୁ ନେଇ ବଢୁଛି ସସ୍ପେନ୍ସ । ସିସିଟିଭି ଫୁଟେଜକୁ ନେଇ ବଢୁଛି ଦ୍ୱନ୍ଦ । ରମାଦେବୀ ବିଶ୍ୱବିଦ୍ୟାଳୟ ଛାତ୍ରୀଙ୍କ ମୃତଦେହ ଉଦ୍ଧାର ଘଟଣା । ସ୍କୁଟିରେ ଆଣି ଫିଙ୍ଗିଥିବା ୨ ଅଭିଯୁକ୍ତ ଚିହ୍ନଟ ହୋଇଥିବା ଯାଜପୁର ଏସପି ରାହୁଲ ପିଆରଙ୍କ ସୂଚନା ଦେଇଛନ୍ତି । ଗତକାଲି କୁଆଖିଆ ଥାନା ଅନ୍ତର୍ଗତ ରାଜେନ୍ଦ୍ରପୁର ପଞ୍ଚୟତ ମୂଳାପାଳ ଦିଆଲଖଣ୍ଡି ରାସ୍ତା କଡ଼ରେ ଅଚିହ୍ନା ଯୁବତୀଙ୍କ ମୃତ ଦେହ ଉଦ୍ଧାର କରାଯାଇଥିଲା । ଗତକାଲି ଦୁଇଜଣ ଯୁବକ ଜଣେ ଯୁବତୀଙ୍କୁ ଏକ ସ୍କୁଟିରେ ନେଉଥିବା କିଛି ଲୋକେ ଦେଖିଥିଲେ । ପରେ ରାସ୍ତାକଡ଼ରେ ଜଣେ ଯୁବତୀଙ୍କ ମୃତ ଦେହ ପଡ଼ିଥିବା ଖବର ଆସିଥିଲା । ଯୁବତୀଙ୍କ ମୃତ ଦେହ ପାଖରେ ବ୍ୟାଗ ପଡିଥିଲା । ଯେଉଁଥିରେ ତାଙ୍କର ସମସ୍ତ ସାର୍ଟିଫିକେଟ ଥିଲା । କୁଆଖିଆ ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛି । ଯୁବତୀଙ୍କ ସହିତ କିଛି ଖରାପ ସମ୍ପର୍କ ରଖା ଯାଇଛି କି ନାହିଁ, ତାଙ୍କର ମୃତ୍ୟୁ କିପରି ହେଲା ତାହାର ସୂଚନା ମିଳିପାରି ନାହିଁ । ଯୁବତୀ ଜଣକ ମୟୁରଭଞ୍ଜ ଜିଲ୍ଲା ଜଶିପୁର ଥାନା ଅନ୍ତର୍ଗତ ତରୁଣ୍ଡେଇପୋଷୀର ବୋଲି ଜଣାପଡ଼ିଛି ।