ରେଳ ବଜେଟରେ ଓଡିଶାକୁ ମିଳିଲା ୬୯୯୫ କୋଟି
ଭୁବନେଶ୍ୱର(ବଡ଼ ଖବର): ରେଳ ବଜେଟରେ ଓଡିଶା ପାଇଁ ୬ ହଜାର ୯୯୫ ବ୍ୟୟବରାଦ । ଏନେଇ ଟ୍ୱିଟ କରି ସୂଚନା ଦେଇଛନ୍ତି କେନ୍ଦ୍ର ରେଳ ମନ୍ତ୍ରୀ ପୀୟୁଷ ଗୋୟେଲ । ରେଳ ପ୍ରକଳ୍ପ ପାଇଁ ରାଜ୍ୟ ସରକାର ୭ହଜାର ୨୦୦କୋଟି ଦାବି କରିଥିଲେ । ବିଶେଷ କରି ନୂଆ ରେଳ ଲାଇନ ଏବଂ ବିଭିନ୍ନ ନିର୍ମାଣଧିନ ପ୍ରକଳ୍ପରେ ଓଡିଶା ପାଇଁ ଅନୁଦାନ ପୂର୍ବବର୍ଷ ତୁଳନାରେ କମାଇ ଦିଆଯାଇଛି । ତାଲଚେର-ବିମଳାଗଡ ରେଳ ଲାଇନ ପ୍ରକଳ୍ପ, ଅନୁଗୁଳ-ସୁକିନ୍ଦା ପ୍ରକଳ୍ପ ବ୍ୟୟରେ ହ୍ରାସ କରାଯାଇଛି । ସେହିପରି ଜୟପୁର-ନବରଙ୍ଗପୁର ନୂଆ ରେଳ ଲାଇନ ପାଇଁ ଗତବର୍ଷ ୨୦କୋଟି ବ୍ୟୟବରାଦ ହୋଇଥିବା ବେଳେ ଚଳିତ ବର୍ଷ ଏହାକୁ ୧୧କୋଟି ଟଙ୍କାକୁ ହ୍ରାସ କରାଯାଇଛି । ତେବେ ଓଡିଶା ପାଇଁ ହୋଇଥିବା ବ୍ୟୟବରାଦରେ ନୂଆ ରେଳପଥ, ଗେଜ୍ ପରିବର୍ତ୍ତନ ଓ ଦୋହରୀକରଣ ଭଳି ୩୯ଟି ପ୍ରକଳ୍ପ ରହିଛି ।