ଆଜି ଭାରତ-ଇଂଲଣ୍ଡ ଚତୁର୍ଥ ଟେଷ୍ଟ

ଅହମ୍ମଦାବାଦ (ବଡ଼ ଖବର ବ୍ୟୁରୋ): ଆଜିଠାରୁ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡ଼ିୟମରେ ଖେଳାଯିବ ଭାରତ-ଇଂଲଣ୍ଡ ଚତୁର୍ଥ ତଥା ଶେଷ ଟେଷ୍ଟ । ଗୋଲାପୀ ବଲରେ ଖେଳାଯାଇଥିବା ତୃତୀୟ ଟେଷ୍ଟକୁ ଦୁଇ ଦିନ ମଧ୍ୟରେ ଚମତ୍କାର ଢଙ୍ଗରେ ଜିତି ନେଇଥିଲା ଭାରତ । ଏବେ ନଜର ରହିଛି ଚତୁର୍ଥ ଟେଷ୍ଟ ଉପରେ । ଏହି ମ୍ୟାଚ୍ ଜିତିଲେ ବା ଡ୍ର ରହିଲେ ଭାରତ, ନ୍ୟୁଜିଲାଣ୍ଡ ବିପକ୍ଷରେ ଟେଷ୍ଟ ଚାମ୍ପିଆନସିପର ଫାଇନାଲ ଖେଳିବା ଟିକେଟ୍ ଫାଇନାଲ ।

ରବିଚନ୍ଦ୍ରନ ଅଶ୍ୱିନ ଓ ଅକ୍ଷର ପଟେଲଙ୍କ ଯୋଡ଼ି ପୂର୍ବ ମ୍ୟାଚ୍ରେ ଇଂଲଣ୍ଡ ୧୮ ୱିକେଟ୍ ପୋଛି ନେଇଥିଲେ । ତେଣୁ ଏଥର କୋଟେରାରେ ପିଚ୍ କିପରି ତାହା ଉପରେ ସମସ୍ତଙ୍କର ନଜର ରହିଛି । ଜୋ ରୁଟଙ୍କ ଦଳ କିନ୍ତୁ ବିଜୟ ସହ ସିରିଜ ବରାବର କରିବା ଲକ୍ଷରେ ପଡ଼ିଆକୁ ଓହ୍ଲାଇବ । ସେପଟେ ଭାରତୀୟ ଦଳରୁ ପେସ୍ ବୋଲର ବୁମରାଙ୍କୁ ସ୍ଥାନରେ କିଏ ସ୍ଥାନ ପାଇବ ତାହା ଉପରେ ବି ନଜର ରହିଛି । ଏହି ମ୍ୟାଚ ସାଢେ ୯ଟାରୁ ଆରମ୍ଭ ହୋଇଛି ।