ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲା, ଚାର୍ଜସିଟ ଦାଖଲ କଲା ଏନସିବି

ଭୁବନେଶ୍ୱର (ବଡ଼ ଖବର ବ୍ୟୁରୋ): ଶୁକ୍ରବାର ଶୁସାନ୍ତ ସିଂ ରାଜପୁତ ସହ ଜଡିତ ଡ୍ରଗ୍ସ ମାମଲାରେ ଚାର୍ଜସିଟ୍ ଦାଖଲ କରିଛି ଏନସିବି । ଏନସିବି ଏହି ଘଟଣାରେ ୧୧ ହଜାର ୭୦୦ ପୃଷ୍ଠାର ଚାର୍ଜସିଟ୍ ଦାଖଲ କରିଥିବା ବେଳେ ଏଥିରେ ୨୦୦ ଜଣ ସାକ୍ଷୀଙ୍କୁ ଦର୍ଶା ଯାଇଛି । ଡିଜିଟାଲ୍ ଫରମାଟ୍ରେ ପ୍ରାୟ ୪୦ ହଜାର ପୃଷ୍ଠାର ଯାହା ଏକ ସିଡିରେ ଚାର୍ଜସିଟ କୋର୍ଟରେ ଦାଖଲ କରାଯାଇଛି ।

ଏହି ଚାର୍ଜସିଟରେ ଦୀପିକା ପାଦୋକନ୍, ସାରାଅଲ୍ଲି ଖାନ୍ ଏବଂ ଶ୍ରଦ୍ଧା କପୁରଙ୍କ ବୟାନ ବି ଯୋଡା ହୋଇଛି । ଚାର୍ଜସିଟରେ ୫ଜଣ ଅଭିଯୁକ୍ତ ଫେରାର ଥିବା କଥା ବି କୁହାଯାଇଛି । ଏତିରେ ରିୟା ଚର୍କବର୍ତ୍ତି ଓ ତାଙ୍କ ଭାଇ ସୌଭିକଙ୍କୁ ମୁଖ୍ୟ ଅଭିଯୁକ୍ତ ଭାବେ ନେଇଛି ଏନସିବି । ତାଙ୍କ ସହିତ ଦୀପେସ ସାୱନ୍ତ, ସାମୁଏଲ୍ ମିରାଣ୍ଡା ଓ କ୍ଷିତିଜ ପ୍ରସାଦଙ୍କ ନାଁ ରହିଥିବା ଜଣାପଡ଼ିଛି । ଜବତ ହୋଇଥିବା ଡ୍ରଗ୍ସ, ଇଲେକ୍ଟୋନିକ୍ସ ଉପକରଣ ରିପୋର୍ଟ, ଫୋରେନସିକ ରିପୋର୍ଟ, ସାକ୍ଷୀଙ୍କ ବୟାନ ଆଧାରରେ ଏହି ଚାର୍ଜସିଟ ପ୍ରସ୍ତୁତ କରାଯାଇଛି ।