ଲୁହା ପଥର ବୋଝେଇ ଟ୍ରକରେ ନିଆଁ ଲଗାଇଲେ ମାଓବାଦୀ

ମାଲକାନଗିରି (ବଡ଼ ଖବର ବ୍ୟୁରୋ): ନିର୍ବାଚନ ପୂର୍ବରୁ ଛତିଶଗଡରେ ମାଓ ହିଂସା । ମାଲକାନଗିରି ଛତିଶଗଡ ସିମାନ୍ତ ନାରାୟଣପୁର ଜିଲ୍ଲାରେ ଚାରଟି ଲୁହା ପଥର ବୋଝେଇ ଟ୍ରକରେ ନିଆଁ ଲଗାଇ ପୋଡି ଦେଲେ ଲାଲବାହିନୀ । ଗତକାଲି ରାତିରେ ଛୋଟେ ଡଙ୍ଗର ଥାନା ଠାରୁ ମାତ୍ର ପାଞ୍ଚ ସହ ମିଟର ଦୂର ମୁଖ୍ୟ ରାସ୍ତା ଉପରେ ଏହି ଚାରୋଟି ଟ୍ରକରେ ନିଆଁ ଲଗାଇଥିଲେ ମାଓବାଦୀ ।

ଆମଦାଇ ଲୁହା ପଥର ଖଣିକୁ ପୂର୍ବରୁ ବିରୋଧ କରି ଆସୁଛନ୍ତି ମାଓବାଦୀ । ତେବେ ଏହି ହିଂସା କାଣ୍ଡ ପରେ ଡିଆରଜି ଓ ବିଏସଏଫ ବାହିନୀ ପକ୍ଷରୁ ଜୋରଦାର ଅପରେସନ ଆରମ୍ଭ ହୋଇଥିବା ନେଇ ସୂଚନା ଦେଇଛନ୍ତି ନାରାୟଣପୁର ଏସପି ।