ମା’ ଆଗରେ ପୁଅକୁ ପିଟି ପିଟି ହତ୍ୟା
ଭଦ୍ରକ (ବଡ଼ ଖବର ବ୍ୟୁରୋ): ମା’ ଆଗରେ ପୁଅକୁ ହତ୍ୟା । ପୂର୍ବ ଶତ୍ରୁତା ସହିତ ଜମି ବାଡ଼ି ଘଟଣାକୁ କେନ୍ଦ୍ର କରି ଯୁବକଙ୍କୁ ଶାବଳ ଓ ବାଡିରେ ପିଟି ପିଟି ମାରିଦେଲେ । ଏଭଳି ଏକ ଦୁଃଖଦ ଘଟଣା ଘଟିଛି ଭଦ୍ରକ ଗ୍ରାମାଞ୍ଚଳ ଥାନା ରାଜମୁକୁନ୍ଦପୁର ବେହେରା ସାହିରେ । ଏହି ସାହିର ସଂଜିତ ନାୟକଙ୍କ ପରିବାର ଓ ଲଷ୍ମୀଧର ବେହେରାଙ୍କ ପରିବାର ମଧ୍ୟରେ ଜମିଜମା ଘଟଣାକୁ ନେଇ ପୂର୍ବରୁ ଝମିଲା ହୋଇଥିଲା ଓ ଥାନାରେ ସମାଧାନ ମଧ୍ୟ ହୋଇଥିଲା ।
ଆଜି ହଠାତ ଲଷ୍ମୀଧରଙ୍କ ପରିବାର ଲୋକମାନେ ସଙ୍ଘବଦ୍ଧ ଭାବେ ଆସି ସଂଜିତ ବେହେରାଙ୍କ ପରିବାର ଉପରେ ଆକ୍ରମଣ କରିଥିଲେ । ଏପରିକି ସଂଜିତଙ୍କୁ ଗୋଡ଼ାଇ ଗୋଡ଼ାଇ ବାଡ଼ିରେ ଓ ଶାବଳରେ ଆକ୍ରମଣ କରିଥିଲେ । ଏଥିରେ ପ୍ରତିବାଦ କରିବାରୁ ତାଙ୍କ ମା ଓ ଭାଉଜଙ୍କୁ ମଧ୍ୟ ସେମାନେ ଆକ୍ରମଣ କରି ଗୁରୁତର କରିଦେଇଥିଲେ । ୩ ଜଣଙ୍କୁ ଗ୍ରାମବାସୀମାନେ ତୁରନ୍ତ ଚିକିତ୍ସା ପାଇଁ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆଣିଥିଲା । ଡାକ୍ତର ସଂଜିତଙ୍କୁ ମୃତ ଘୋଷଣା କରିଥିଲେ । ଅନ୍ୟ ଦୁଇ ଜଣ ଗୁରୁତର ଭାବେ ଚିକିତ୍ସିତ ହେଉଛନ୍ତି । ଏହି ଖବର ସମ୍ପୃକ୍ତ ଅଞ୍ଚଳରେ ଏକ ଦୁଃଖଦ ପରିସ୍ଥିତି ସୃଷ୍ଟି କରିଥିଲା । ଭଦ୍ରକ ଗ୍ରାମାଞ୍ଚଳ ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ।