ମାଓକ୍ୟାମ୍ପରୁ ଆସିଲା ନିଖୋଜ ଯବାନଙ୍କ ପ୍ରଥମ ଫେଟୋ

ବିଜାପୁର (ବଡ଼ ଖବର ବ୍ୟୁରୋ): ଛତିଶଗଡ଼ ବିଜାପୁରରେ ହୋଇଥିବା ନକ୍ସଲଙ୍କ ବର୍ବରକାଣ୍ଡରେ ସହିଦ୍ ହୋଇଥିଲେ ୨୩ ଜଣ ଭାରତୀୟ ଯବାନ । ଏହାସହିତ ଜଣେ ଯବାନଙ୍କୁ ଅଟକ ରଖିଛନ୍ତି ମାଓବାଦୀ । ବର୍ତ୍ତମାନ ନିଖୋଜ ଯବାନଙ୍କ ଫଟୋ ଜାରି କରିଛନ୍ତି ମାଓବାଦୀ । ଏପ୍ରିଲ ୨ ତାରିଖରେ ବିଜାପୁରରେପୋଲିସ ମାଓବାଦୀ କାଣ୍ଡ ପରେ ଅପହୃତ ସିଆରପିଏଫ ଜବାନ ରାକେଶ୍ବର ସିଂ ମନହାସଙ୍କ ସୁସ୍ଥ ଥିବା ଫଟୋ ଆଜି ମାଓବାଦୀ ଗଣମାଧ୍ୟମକୁ ଦେଇ ସେ ସୁସ୍ଥ ଥିବା କହିଛନ୍ତି । ଫଟୋରେ ସେ ସେନା ପୋଷାକରେ ବସିଥିବା ଦେଖିବାକୁ ମିଳିଛି । ତେବେ ସରକାର ଅନୁକୂଳ ବାତାବରଣରେ କଥାବାର୍ତ୍ତା କରିବା ପରେ ତାଙ୍କୁ ଛାଡିବା ନେଇ ମଧ୍ୟ ପ୍ରତିଶ୍ରୁତି ଦେଇଥିବା ଜଣା ପଡିଛି ।