ହାଇଦର ଫେରାର ପଛରେ ପୁଅ, ଶଳା ଓ ଭାଇର ହାତ

କଟକ(ବଡ଼ ଖବର ବ୍ୟୁରୋ): କଟକ ବଡ଼ ମେଡିକାଲରୁ ଗ୍ୟାଙ୍ଗଷ୍ଟର ହାଇଦର ଫେରାର ଘଟଣାର ନୂଆ ମୋଡ ନେଇଛି। ହାଇଦର ଫେରାର ପଛରେ ତାର ପରିବାର ଲୋକଙ୍କ ହାତ ଅଛି । ଏକଥା କହିଛନ୍ତି ଖୋଦ ହାଇଦରକୁ ମେଡିକାଲରେ ଜଗିବା ଦାୟିତ୍ୱରେ ଥିବା ନିଲମ୍ୱିତ କନେଷ୍ଟବଲ ମହମ୍ମଦ ମୌସିମ୍‌ ।

ଏନେଇ ମଙ୍ଗଳାବାଗ୍‌ ଥାନାରେ ଏତଲା ଦେଇଛନ୍ତି ମହମ୍ମଦ ମୌସିମ୍‌ । ଏଥିରେ ଦର୍ଶାଇଛନ୍ତି ମୋତେ ନିଶା ଦେଇ ହାଇଦରକୁ ଫେରାର୍‌ କରାଇଛନ୍ତି ତାଙ୍କର ପରିବାର ଲୋକେ । ମେଡିକାଲକୁ ତାର ପୁଅ, ଶଳା ଓ ଭାଇ ତାକୁ ଭେଟିବାକୁ ଆସୁଥିଲେ । ସେମାନେ ତାଙ୍କର ପ୍ଲାନ ମୁତାବକ ନିଶା ଦେଇ ଫେରାର କରିବାରେ ସାହାର୍ଯ୍ୟ କରିଛନ୍ତି।