ୟେଦ୍ଦୁରପ୍ପାଙ୍କୁ ପୁଣି କରୋନା

ବେଙ୍ଗଳୁରୁ (ବଡ଼ ଖବର ବ୍ୟୁରୋ) : କରୋନା କବଳରେ କର୍ଣ୍ଣାଟକ ମୁଖ୍ୟମନ୍ତୀ ବିଏସ ୟେଦ୍ଦୁରପ୍ପା । ତାଙ୍କ ରିପୋର୍ଟ ପଜିଟିଭ ଆସିଛି । ଦୁଇଦିନ ଜ୍ଵର ହେବାରୁ ତାଙ୍କୁ ଆରଏମ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କ କରୋନା ପରୀକ୍ଷା ମଧ୍ୟ କରାଯାଇଥିଲା । ଯାହା ଆଜି ପଜିଟିଭ ଆସିଛି । କରୋନାର ଦ୍ଵତୀୟ ଲହର ଦ୍ରୁତଗତିରେ ଚାଲିଥିବା ବେଳେ ଦେଶର ଜଣେ ପରେ ଜଣେ ରାଜନେତା ଆକ୍ରନ୍ତ ହେଉଛନ୍ତି । ପୂର୍ବରୁ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଅଦିତ୍ୟନାଥ, କେରଳ ମୁଖ୍ୟମନ୍ତ୍ରୀ ପନାରି ବିଜୟନ, ତ୍ରିପୁରା ମୁଖ୍ୟମନ୍ତ୍ରୀ ବିପ୍ଲବ କୁମାର ଦେବ କରୋନା ପଜିଟିଭ ଚିହ୍ନଟ ହୋଇଥିଲେ । ତେବେ ୟେଦ୍ଦୁରପ୍ପା ପଜିଟିଭ ଚିହ୍ନଟ ହେବା ପରେ ଚିନ୍ତା ବଢିଯାଇଛି । କାରଣ ଏହା ପୁର୍ବରୁ ମଧ୍ୟ ୟେଦ୍ଦୁରପ୍ପା କରୋନା ଆକ୍ରାନ୍ତ ହୋଇ ସାରିଛନ୍ତି । ଏହା ତାଙ୍କର ଦ୍ଵତୀୟ ସଂକ୍ରମଣ ।
ଗତବର୍ଷ ଅଗଷ୍ଟ ୨ରେ ୟେଦ୍ଦୁରପା ପ୍ରଥମ ଥର ପାଇଁ କରୋନା ଆକ୍ରାନ୍ତ ହୋଇଥିଲ । ଦୀର୍ଘଦିନ ହସ୍ପିଟାଲରେ ଚିକିତ୍ସିତ ହେବା ପରେ ସୁସ୍ଥ ହୋଇ ଘରକୁ ଫେରିଥିଲେ । ଏବେ ପୁଣି ତାଙ୍କୁ କରୋନା ହେବା ତାଙ୍କ ସମର୍ଥକଙ୍କ ଚିନ୍ତା ବଢାଇଦେଇଛି ।