ପିପିଲି (ବଡ଼ ଖବର ବ୍ୟୁରୋ): ପୁଣି ପିପିଲି କଂଗ୍ରେସକୁ ଲାଗିଲା ଆଉ ଏକ ଝଟକା । ପୁରୀଜିଲ୍ଲା କଂଗ୍ରେସ ସଭାପତି ଅଜିତ ମଙ୍ଗରାଜଙ୍କ ଦେହାନ୍ତକୁ ତିନି ଦିନ ନପୂରୁଣୁ ଜଣେ ଜିଲ୍ଲା ସ୍ତରୀୟ ନେତା ଛାଡିଲେ କଂଗ୍ରେସର ହାତ । ଉପନିର୍ବାଚନ ପୂର୍ବରୁ ପୁରୀଜିଲ୍ଲା କିଷାନ କଂଗ୍ରେସ ସଭାପତି ପଦରୁ ଇସ୍ତଫା ଦେଇଛନ୍ତି ମକର ପ୍ରଧାନ । ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ଉପରେ ଅସନ୍ତୋଷ ହୋଇ ଦଳର ପ୍ରାଥମିକ ସଭ୍ୟ ପଦରୁ ମଧ୍ୟ ଦେଲେ ଇସ୍ତଫା ।
ସେ ପିପିଲି ବ୍ଲକର ସ୍ଥାୟୀ ଅଧିବାସୀ ହୋଇଥିବାରୁ ଉପନିର୍ବାଚନରେ କଂଗ୍ରେସକୁ ବଡ଼ ଧରଣର କ୍ଷତି ପହଞ୍ଚାଇବ ବୋଲି ସାଧାରଣରେ ଆଲୋଚନା ହେଉଛି । ଏନେଇ ସାମ୍ବାଦିକ ସମ୍ମିଳନୀ କରି ପିସିସି ସଭାପତିଙ୍କ ଉପରେ ଘୋର ବର୍ଷି ଥିବାବେଳେ ସର୍ବ ସାଧାରଣଙ୍କୁ ଅବଗତ କରାଇଛନ୍ତି ।
