୨୦୨୧ ସବୁଠୁ ଉତ୍ତପ୍ତ ବର୍ଷ

ଭୁବନେଶ୍ୱର (ବଡ଼ ଖବର ବ୍ୟୁରୋ): ୨୦୨୧ ହେବ ସବୁଠାରୁ ଗରମ ବର୍ଷ । ଅଦୃଶ୍ୟ କରୋନା ଭୂତାଣୁରେ ଲୋକେ ଛଟପଟ ହେଉଥିବା ବେଳେ ସୂର୍ଯ୍ୟ ଦେବଙ୍କ କୋପ ବଢିବାରେ ଲାଗିଛି । ୨୦୨୧ ବର୍ଷ ସବୁଠାରୁ ଉତ୍ତପ୍ତ ବର୍ଷ ହେବ ବୋଲି ପାଣିପାଗ ବିଜ୍ଞାନିମାନେ କହିଛନ୍ତି। ସୂର୍ଯ୍ୟଙ୍କ ପ୍ରଖର କିରଣରେ ସିଝିବ ସାରା ଦେଶ । ବାୟୁମଣ୍ଡଳରେ ଅଙ୍ଗାରକାମ୍ଲର ସ୍ତର ଦେଢଗୁଣ ବଢିଗଲାଣି ।

ଆମେରିକା ଓ ବ୍ରିଟେନର ବୈଜ୍ଞାନିକମାନେ ବାୟୁମଣ୍ଡଳର ଅଙ୍ଗାରକାମ୍ଲ ସ୍ତରକୁ ବିଶ୍ଲେଷଣ କରି କହିଛନ୍ତି ୧୭୫୦ରୁ ୧୮୦୦ ମସିହାରେ ଅଙ୍ଗାରକାମ୍ଲର ମାତ୍ରା ୨୭୮ ପିପିଏମ୍ ଥିବା ବେଳେ ୨୦୨୧ ମାର୍ଚ୍ଚରେ ଏହା ୪୧୭ ଦଶମିକ ଏକଚାରି ହୋଇସାରିଛି । ଅର୍ଥାତ୍ ଅତ୍ୟନ୍ତ ତୀବ୍ର ବେଗରେ ଅଙ୍ଗାରକାମ୍ଲର ମାତ୍ରା ବଢିବାରେ ଲାଗିଛି । ଯାହା ଦେଶ ଓ ବିଶ୍ୱପାଇଁ ବିପଦଜ୍ଜନକ । ଏଭଳି ଯଦି ଅଙ୍ଗାରକାମ୍ଲର ମାତ୍ରା ବଢିଚାଲେ ତାହା ହେଲେ ଆସନ୍ତା ମେ’ ସୁଦ୍ଧା ୪୧୯ଦଶମିକ ୫ପିପିଏମ୍ରେ ପହଞ୍ôଚଯାଇପାରେ ।