ଦଶମୀରେ ଲାଖବିନ୍ଧା

ମୁରିବାହାଲ, (ବଡ଼ ଖବର ବ୍ୟୁରୋ): କରୋନା କଟକଣା ଭିତରେ ସବୁଠି ଅନୁଷ୍ଠିତ ହୋଇଯାଇଛି ଦଶହରା । ବଲାଙ୍ଗୀର ଜିଲ୍ଲା ମୁରିବାହାଲ ବ୍ଲକ୍ ରେଲୱେ ଫାଟକ ନିକଟରେ ମା’ଙ୍କ ୪୯ ତମ ସାର୍ବଜନୀନ ଦୁର୍ଗାପୂଜା ଅନୁଷ୍ଠିତ ହୋଇଥିଲା । ଗତ ସପ୍ତମୀ ତିଥିରୁ ଦଶମୀ ପର୍ୟ୍ୟନ୍ତ ୪ ଦିନାତ୍ମକ ଦୁର୍ଗାପୂଜା ଅନୁଷ୍ଠିତ ହୋଇଥିଲା। ବିଜୟା ଦଶମୀ ଉପଲକ୍ଷେ ଲାଖବିନ୍ଧା ପାଇଁ ରୀତିନୀତି ଅନୁସାରେ ମା’ଙ୍କ ପୂଜା ହୋଇଥିଲା । ପରମ୍ପରା ଅନୁଯାୟୀ, ଖଣ୍ଡା ଓ ଲାଖ ମା’ଙ୍କ ପୂଜା ମଣ୍ଡପରୁ ବାହାରି ସ୍ଥାନୀୟ ବସ୍ତିପଡ଼ା ପରିକ୍ରମା କରାଯାଇଥିଲା। ଶ୍ରଦ୍ଧାଳୁମାନେ ନିଜ ନିଜ ଘର ସମ୍ମୁଖରେ ପୂଜାର୍ଚ୍ଚନା କରିଥିଲେ । ନଗର ପରିକ୍ରମା ପରେ ଲାଖବିନ୍ଧା ସ୍ଥାନରେ ପହଞ୍ଚିଥିଲେ ମା’। ପୂଜା ମଣ୍ଡପ ନିକଟରେ ଲାଖବିନ୍ଧା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ସୀମିତ ସଂଖ୍ୟକ ଭକ୍ତ ଏହି କାର୍ଯ୍ୟକ୍ରମରେ ଯୋଗଦେଇଥିଲେ ।