ଓଲଟିଲା ପ୍ରବାସୀଙ୍କ ବସ

ଗ୍ୱାଲିୟର (ବଡ ଖବର ବ୍ୟୁରୋ): ଦିଲ୍ଲୀରୁ ପ୍ରବାସୀ ଶ୍ରମିକଙ୍କୁ ନେଇ ମଧ୍ୟପ୍ରଦେଶ ଆସୁଥିବା ଏକ ବସ ଓଲଟି ପଡିଛି । ଶ୍ରମିକଙ୍କ ମଧ୍ୟରୁ ୩ ଜଣଙ୍କର ପ୍ରାଣହାନି ଘଟିଛି। ଅନ୍ୟ ୧୨ ଜଣ ଆହତ ହୋଇଛନ୍ତି। ବସଟି ପ୍ରବାସୀ ଶ୍ରମିକଙ୍କୁ ନେଇ ଦିଲ୍ଲୀର ସରାଇ କାଲେ ଖାନ୍ରୁ ମଧ୍ୟପ୍ରଦେଶର ଟିକମଗଡ ଅଞ୍ଚଳକୁ ଆସୁଥିଲା। ବସରେ ପ୍ରାୟ ୧୦୦ ଜଣ ଯାତ୍ରୀ ଥିବା ପୁଲିସ ଏସପି ଅମିତ ସାଂଘି ସୂଚନା ଦେଇଛନ୍ତି ।

ସେମାନଙ୍କ ମଧ୍ୟରେ ଅନେକ ଶିଶୁ ରହିଥିବା ମଧ୍ୟ ଜଣାପଡିଛି । ଆହତମାନଙ୍କୁ ଗ୍ୱାଲିୟରସ୍ଥିତ ଏକ ସରକାରୀ ହସପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ଗାଡିର ଡ୍ରାଇଭର ନିୟନ୍ତ୍ରଣ ହରାଇବାରୁ ଏହି ଦୂର୍ଘଟଣା ଘଟିଥିବା କୁହାଯାଉଛି । ଦୁର୍ଘଟଣା ପରେ ବସ ଡ୍ରାଇଭର ଓ କଣ୍ଡକ୍ଟର ଫେରାର ହୋଇଯାଇଛନ୍ତି। ଦିଲ୍ଲୀରେ ଲକଡାଉନ ଘୋଷଣା ହେବାପରେ ସେମାନେ ନିଜ ରାଜ୍ୟକୁ ଫେରୁଥିବା ଜଣା ପଡିଛି ।