ମାଓବାଦୀଙ୍କୁ ଡ୍ରୋନରେ ଆକ୍ରମଣ

ବିଜାପୁର (ବଡ଼ ଖବର ବ୍ୟୁରୋ): ଓଡ଼ିଶା ସୀମାନ୍ତ ଛତିଶଗଡ଼ରେ ଏପ୍ରିଲ ୩ରେ ମାଓବାଦୀଙ୍କ ଆକ୍ରମଣରେ ୨୨ ଯବାନ ଶହୀଦ ହେବା ପରେ ପୋଲିସ ପକ୍ଷରୁ ମାଓଦମନ ଅଭିଯାନକୁ ତୀବ୍ର କରାଯାଇଛି । ମାଓବାଦୀଙ୍କ ଦଣ୍ଡକାରଣ୍ୟ ଜୋନାଲ କମିଟି ପ୍ରବକ୍ତା ବିକଳ୍ପ ପ୍ରେସନୋଟ ମାଧ୍ୟମରେ ଗଣମାଧ୍ୟମକୁ କହିଛନ୍ତି ଏପ୍ରିଲ ୩ ତାରିଖରେ ଜନଆନ୍ଦୋଳନକୁ ଦବେଇବାକୁ ଆସିଥିବା ପୋଲିସ ୧୯ ତାରିଖରେ ଆକାଶମାର୍ଗରୁ ଡ୍ରୋନ ମାଧ୍ୟମରେ ୧୨ ଟି ବୋମା ପକାଇଥିଲା ।

ସ୍ଥାନ ତୁରନ୍ତ ବଦଳେଇବାରୁ ବଞ୍ଚିଯାଇଥିଲେ ମାଓବାଦୀ । ବିଜାପୁର ଜିଲ୍ଲା ପାମେଡ ଥାନା ବୋତ୍ତାଲଙ୍କା ଓ ପାଲ୍ଲାଗୋଡେମ ଗାଁ ନିକଟସ୍ଥ ଜଙ୍ଗଲରେ ମାଓବାଦୀ ଏକାଠି ହୋଇଥିବା ସ୍ଥାନରେ ଡ୍ରୋନ ମାଧ୍ୟମରେ ବୋମା ପକାଯାଇଥିଲା । ମାଓବାଦୀଙ୍କ କହିବା କଥା ହେଉଛି ନକ୍ସଲମାନେ ଜନ ଆନ୍ଦୋଳନ କରୁଛନ୍ତି । ବସ୍ତର ଆଇଜି ଏ ଘଟଣାକୁ ସମ୍ପୂର୍ଣ୍ଣ ମନଗଢା ବୋଲି କହିଛନ୍ତି ।