ଅକ୍ସିଜେନ ଅଭାବରୁ ୨୦ ରୋଗୀ ମୃତ

ନୂଆଦିଲ୍ଲୀ (ବଡ ଖବର ବ୍ୟୁରୋ): ଅକ୍ସିଜେନ୍ ସମସ୍ୟା ଦିଲ୍ଲୀରେ ଦୂର ହୋଇନି । ଅକ୍ସିଜେନ୍ ଅଭାବରୁ ଜୟପୁର ଗୋଲଡେନ ହସ୍ପିଟାଲରେ ୨୦ କରୋନା ରୋଗୀଙ୍କ ମୃତ୍ୟୁ ହୋଇଛି । ଏହି ଡାକ୍ତରଖାନାରେ ୨୦୦ କରୋନା ରୋଗୀ ଚିକିତ୍ସିତ ହେଉଛନ୍ତି । ମାତ୍ର ଡାକ୍ତରଖାନା କର୍ତ୍ତୃପକ୍ଷ ରୋଗୀଙ୍କୁ ଅକ୍ସିଜେନ୍ ଯୋଗାଇବାରେ ସମ୍ପୂର୍ଣ୍ଣ ବିଫଳ । କେନ୍ଦ୍ର କିମ୍ବା ରାଜ୍ୟ ସରକାର ଅକ୍ସିଜେନ୍ ଯୋଗାଉନଥିବା ଅଭିଯୋଗ କରିଛନ୍ତି ଜୟପୁର ଗୋଲଡେନ ହସ୍ପିଟାଲର ଡାକ୍ତର ଡିକେ ବାଲୁଜା । ତେଣେ ଅକ୍ସିଜେନ୍ ନଥିବାରୁ ସରୋଜ ମେଡିକାଲ କର୍ତ୍ତୃପକ୍ଷ ନୂଆ ରୋଗୀଙ୍କୁ ଆଡମିସନ କରୁନାହିଁ । ଚିକିତ୍ସିତ ହେଉଥିବା ରୋଗୀମାନଙ୍କୁ ଅନ୍ୟତ୍ର ଚାଲିଯିବାକୁ କର୍ତ୍ତୃପକ୍ଷ ପରାମର୍ଶ ଦେଇଛନ୍ତି ।