ତିର୍ତୋଲ (ବଡ଼ ଖବର ବ୍ୟୁରୋ): ଟିକାକୁ ନେଇ ମଣିଜଙ୍ଗା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଉତ୍ତେଜନା। ଜଗତସିଂହପୁର ତିର୍ତୋଲ ଅଞ୍ଚଳରେ ଦିନକୁ ଦିନ କରୋନା ରୋଗୀ ସଂଖ୍ୟା ବଢ଼ି ଚାଲୁଥିବାବେଳେ ଟିକା ପାଇଁ ମଣିଜଙ୍ଗା ସ୍ବାସ୍ଥ୍ୟ କେନ୍ଦ୍ରରେ ପ୍ରତିଦିନ ନାହିଁ ନଥିବା ଭିଡ ଲାଗିରହୁଛି । ଆଜି ସକାଳୁ ଟିକା ପାଇଁ ମଣିଜଙ୍ଗା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ମୁଖ୍ୟ ଫାଟକ ସମ୍ମୁଖରୁ ଟିକେଟ କାଉଣ୍ଟର ପର୍ଯ୍ୟନ୍ତ ଲମ୍ବା ଲାଇନ୍ ଦେଖିବାକୁ ମିଳିଥିଲା। ସମସ୍ତଙ୍କ ମୁହଁରେ ମାସ୍କ୍ ନଥିବା ବେଳେ ସାମାଜିକ ଦୂରତାକୁ ଲୋକମାନେ ଫୁ କରି ଉଡାଇଦେଇଥିଲେ। ତେବେ ଟିକାକରଣ ପାଇଁ ହେଉଥିବା ଟିକେଟକୁ ନେଇ ଉପସ୍ଥିତ ଲୋକମାନଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଥିଲା।
