ବରଗଡ (ବଡ ଖବର ବ୍ୟୁରୋ): ବରଗଡ ଜିଲ୍ଲା ଗାଇସିଲେଟ ବ୍ଲକ ଅନ୍ତର୍ଗତ ସନ୍ଦିବହାଲ ଗ୍ରାମପଞ୍ଚାୟତ ଅଧିନରେ ଥିବା ଜାମୁଟ ବାହାଲ ଗ୍ରାମର ବିନୋଦ ଠାକୁର ନାମକ ଜଣେ ବ୍ୟକ୍ତି ତାମିଲନାଡୁରୁ ପାଞ୍ଚ ଦିନ ପୂର୍ବରୁ ଗ୍ରାମକୁ ଫେରି ଥିଲା । ତାଙ୍କ ଦେହରେ ଜର ରହିଥିଲା ଏବଂ ଗତକାଲି ଦେହ ଅତ୍ୟନ୍ତ ଅସୁସ୍ଥ ହୋଇଥିବାରୁ ଆମ୍ବୁଲାନ୍ସକୁ ଗ୍ରାମର ଜଣେ ବ୍ୟକ୍ତି ଡାକିଥିଲେ, ହେଲେ କୌଣସି କାରଣରୁ ଆମ୍ବୁଲାନ୍ସ କର୍ମଚାରୀ ତାଙ୍କୁ ହସ୍ପିଟାଲ୍ ନେବା ବଦଳରେ ଗୁରୁତର ଅବସ୍ଥାରେ ଘରେ ଛାଡ଼ିଦେଇ ଚାଲିଯାଇଥିଲେ |
ଯେଉଁଥି ପାଇଁ କିଛି ସମୟ ପରେ ତାଙ୍କର ମୃତ୍ୟୁ ଘଟିଥିଲା । ପରେ ତାଙ୍କ ସ୍ତ୍ରୀ ଏବଂ ଝିଅ ଘରେ ଶବକୁ ଜଗି ରହିଥିଲେ | ତାଙ୍କର ସମ୍ପର୍କୀୟ କେହି ଆସି ନଥିବା ବେଳେ ଶବଟି ସକାଳ ପ୍ରାୟ ୧୦ ସମୟ ପର୍ୟ୍ୟନ୍ତ ପଡ଼ିରହିଥିଲା। ତେବେ ରାତି ପ୍ରାୟ ୭ ଟା ବେଳେ ମୃତ୍ୟୁ ହୋଇଥିବା ବେଳେ ଆଜି ସକାଳ ୧୦ ଟା ବେଳେ ଗାଇସିଲେଟ ବ୍ଲକ ଅନ୍ତର୍ଗତ କେନ୍ଦୁଭଟା ଦେବଦତ୍ତ କ୍ଳବ୍ ଖବର ପାଇ ଘଟଣା ସ୍ଥଳରେ ଗାଇସିଲେଟ ବିଡିଓ ନିରଞ୍ଜନ ସା ଓ ତହସିଲଦାର ପୁଷ୍ପକ ପଧାନ ଉପସ୍ଥିତ ରହି କ୍ଳବର ସଭ୍ୟମାନେ ଶବକୁ ଘରୁ ବାହାର କରି ଶବ ସତ୍କାର କରିବାର ଦେଖିବାକୁ ମିଳିଛି |
