ଭୁବନେଶ୍ୱର(ବଡ଼ ଖବର ବ୍ୟୁରୋ): ମେ ୫ରୁ ସାରା ରାଜ୍ୟରେ ଲକଡାଉନ । ରାଜ୍ୟ ସରକାରଙ୍କ ଗୁରୁତ୍ୱପୂର୍ଣ୍ଣ ଘୋଷଣା । ରାଜ୍ୟକୁ ପୁଣି ଫେରିଲା ଲକଡାଉନ । ମେ ୫ରୁ ୧୯ ତାରିଖ ପର୍ଯ୍ୟନ୍ତ ଲାଗୁ ହେଲା ଲକଡାଉନ । ୧୪ଦିନ ପାଇଁ ବନ୍ଦ ରହିବ ସମ୍ପୂର୍ଣ୍ଣ ରାଜ୍ୟ । ତେବେ ଏଥିରେ ଜରୁରୀକାଳୀନ ସେବା ଜାରି ରହିବ । ସକାଳ ୬ରୁ ୧୨ ଟା ପର୍ଯ୍ୟନ୍ତ ଖୋଲିବ ପରିବା ଓ ତେଜରାତି ଦୋକାନ । ଏହି ୬ଘଣ୍ଟା ମଧ୍ୟରେ ଚାଲି ଚାଲି ଲୋକ ମାନେ ଯାଇ ଆଣିପାରିବେ ସାମଗ୍ରୀ । ଗାଡ଼ି ନେଇ ପଦାକୁ ବାହାରିବାକୁ ବାରଣ କରାଯାଇଛି ।
୫ମେ ବୁଧବାର ଠାରୁ ୧୯ ମେ ବୁଧବାର ପର୍ଯ୍ୟନ୍ତ ବଳବତ୍ତର ରହିବ ଏହି ତାଲାବନ୍ଦ । ସେହିପରି ସଟଡାଉନ ସମୟରେ ମଧ୍ୟ ପରିବର୍ତ୍ତନ କରିଛନ୍ତି ରାଜ୍ୟ ସରକାର । ଶୁକ୍ରବାର ସନ୍ଧ୍ୟା ୬ରୁ ଲାଗୁ ହୋଇ ସୋମବାର ସକାଳ ୬ଟା ପର୍ଯ୍ୟନ୍ତ ଲାଗୁ ରହିବ ସଟଡାଉନ । ମୁଖ୍ୟ ଶାସନ ସଚିବ ଏନେଇ ପ୍ରେସମିଟ କରି ସୂଚନା ଦେଇଛନ୍ତି । ନିୟମ ନମାନିଲେ ନିଆଯିବ କଡ଼ା କାର୍ଯ୍ୟାନୁଷ୍ଠାନ ।
