ଦନ୍ତା ହାତୀକୁ ଧକ୍କା ଦେଲା ଟ୍ରେନ

କେନ୍ଦୁଝର(ବଡ଼ ଖବର ବ୍ୟୁରୋ): ମାଲବାହୀ ଟ୍ରେନ ଧକ୍କାରେ ଦନ୍ତା ହାତୀ ଗୁରୁତର । ଶନିବାର ରାତି ୯ଟା ସମୟରେ ହାତୀଟି ଟ୍ରେନ ଲାଇନ ପାର ହେଉଥିବା ସମୟରେ ଏକ ମାଲବାହୀ ଟ୍ରେନ ଧକ୍କା ଦେଇଥିଲା । ଫଳରେ ହାତୀଟି ଗୁରୁତର ହୋଇଯାଇଥିବା ସୂଚନା ମିଳିଛି । ଘଟଣା ଘଟିଛି କେନ୍ଦୁଝର ଜିଲ୍ଲା ଶଗଡ଼ପଟା ଷ୍ଟେସନ ନିକଟରେ ।

ସେପଟେ ଘଟରାସ୍ଥଳରେ ବନ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ହାତୀଟିକୁ ଉଦ୍ଧାର କରିଛନ୍ତି । ଜିଲ୍ଲା ମେଡିକାଲ ଟିମକୁ ବନ ବିଭାଗ ଖବର ଦେବା ପରେ ଜିଲ୍ଲା ପ୍ରାଣୀ ମେଡିକାଲ ଟିମ ହାତୀଟିକୁ ଚିକିତ୍ସା କରୁଛନ୍ତି । ଚିକିତ୍ସକଙ୍କ କହିବା ଅନୁସାରେ ହାତୀଟିର ଦେହରେ ଓ ପଛ ଡାହାଣ ଗୋଡ଼ରେ ଶକ୍ତ ଆହତ ଲାଗିଛି । ଯାହାଫଳରେ ହାତୀଟି ଗୁରୁତର ହୋଇପଡ଼ିଛି ।