![](https://i0.wp.com/badakhabar.in/wp-content/uploads/2020/09/20200927_081408.jpg?fit=981%2C363&ssl=1)
ମୋଦି ସରକାରଙ୍କୁ ବଡ ଝଟକା । କୃଷି ବିଲକୁ ବିରୋଧ କରି ଏନଡିଏକୁ ବାଏ ବାଏ କଲା ସହଯୋଗୀ ଅକାଳୀ ଦଳ । ଏନଡିଏର ସହଯୋଗୀ ଦଳ ଭାବେ ରହି ଆସିଥିବା ଅକାଳୀ ଦଳ କୃଷି ବିଲକୁ ବିରୋଧ କରି ମୋଦି ସରକାରରୁ ଅକାଳୀ ଦଳର ହରଶମିତ୍ କୌର କେନ୍ଦ୍ରମନ୍ତ୍ରୀ ପଦରୁ ଦେଇଥିଲେ ଇସ୍ତଫା । ଦଳର କୋର କମିଟି ବୈଠକ ପରେ ଏନଡିଏ ଛାଡିବାକୁ ନିଷ୍ପତି ହୋଇଥିଲା । ପରେ ଏନଡିଏର ହାତ ଛାଡିବା ନେଇ ସୂଚନା ଦେଇଥିଲେ ଅକାଳୀ ଦଳର ଅଧ୍ୟକ୍ଷ ସୁଖବୀର ସିଂ ବାଦଲ । କୃଷି ବିଲ୍ ପାରିତ ହେବା ପରଠାରୁ ଏହାକୁ ବିରୋଧ କରି ଆସୁଛି ଶିରୋମଣି ଅକାଳୀ ଦଳ । ଏପରିକି କଂଗ୍ରେସ, ତୃଣମୁଳ କଂଗ୍ରେସ ଭଳି ବିରୋଧୀ ଦଳ ମଧ୍ୟ ଏହି ବିଲକୁ ବିରୋଧ କରୁଛନ୍ତି । କଂଗ୍ରେସ ଏହି ବିଲ୍ ବିରୋଧରେ ସମଗ୍ର ଦେଶରେ ପ୍ରେସମିଟ୍ କରିଥିଲା । ପରେ ଦେଶର ଅଧିକାଂଶ ରାଜ୍ୟରେ ଚାଷୀ ମାନେ ରାସ୍ତାକୁ ଓହ୍ଲାଇଥିଲେ । କୃଷି ବିଲ୍ ବିଦେଶୀ ବ୍ୟବସାୟୀଙ୍କୁ ଫାଇଦା ଏବଂ ବିଲ୍ ଚାଷୀ ବିରୋଧୀ ବୋଲି କଂଗ୍ରେସ୍ ଲଗାତାର ଅଭିଯୋଗ କରି ଆସୁଛି । ଆଉ ଏଭଳି ସ୍ଥଳେ ଏନଡିଏର ହାତ ଛାଡି ମୋଦି ସରକାରକୁ ବଡ ଝଟକା ଦେଇଛି ଅକାଳୀ ଦଳ ।