ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ବଜାରକୁ ଆସୁଛି ଆଣ୍ଟିବଡି ଡିଟେକ୍ସନ୍ କିଟ୍ । ଡିଆରଡିଓ ଦ୍ୱାରା ଡେଭଲପ୍ ହୋଇଥିବା ଏହି କିଟ୍ ଆସନ୍ତା ଜୁନରେ ବଜାରରେ ଉପଲବ୍ଧ ହେବ । ଏହି କିଟର ଦାମ ମାତ୍ର ୭୫ଟଙ୍କା । ଘରେ ରହି ଦେହରେ କେତେ ଆଣ୍ଟିବଡି ଅଛି ଜାଣିହେବ । ମାତ୍ର ୭୫ ମିନିଟ୍ରେ ଜାଣିହେବ ଦେହରେ କେତେ ପରିମାଣର ଆଣ୍ଟିବଡି ଅଛି । ଡିଆରଡିଓ ପକ୍ଷରୁ ବିକଶିତ କରାଯିବା ପରେ ବିଶେଷଜ୍ଞମାନେ ୧ହଜାର ରୋଗୀ ଦେହରେ ଏହାକୁ ପରୀକ୍ଷା କରିଥିଲେ ।
୨୦୨୧ ଏପ୍ରିଲରେ ଏହାକୁ ପରୀକ୍ଷା କରିବା ପାଇଁ ଇଣ୍ଡିଆନ୍ କାଉନସିଲ ଅଫ୍ ମେଡିକାଲ ରିସର୍ଚ୍ଚ ଅନୁମୋଦନ କରିଥିଲା । ସଫଳତା ମିଳିବା ପରେ ଆଣ୍ଟିବଡି ଡିଟେକ୍ସନ୍ କିଟ୍କୁ ବଜାରରେ ବିକ୍ରି କରିବା ପାଇଁ ଡିିସିଜିଆଇ ସବୁଜ ସଙ୍କେତ ଦେଇଛି । ତେବେ ବଜାରରେ ଉପଲବ୍ଧ ହେବା ପରେ ବର୍ତ୍ତମାନର ସ୍ଥିତିରେ ପ୍ରତିମାସରେ ଆଣ୍ଟିବଡି ଡିଟେକ୍ସନ୍ କିଟ୍ ମାତ୍ର ୫୦୦ଟି ତିଆରି ହୋଇପାରିବ ।
