ଲୋକ ଫାଇନ ଗଣୁଛନ୍ତି ଏଣେ ତହସିଲଦାର ନାଚୁଛନ୍ତି

ସୁକିନ୍ଦା(ବଡ଼ ଖବର ବ୍ୟୁରୋ): କୋଭିଡ୍ କଟକଣାକୁ ଫୁ । କୌଣସି ସାଧାରଣ ବ୍ୟକ୍ତି ନୁହେଁ ନିୟମ ଉଲଂଘନ କରିଛନ୍ତିି ଖୋଦ ତହସିଲଦାର । ନିଜ ସାନ ଭାଇଙ୍କ ବାହାଘରରେ ଯାଜପୁର ଜିଲ୍ଲା ସୁକିନ୍ଦା ତହସିଲିଦାର କରିଛନ୍ତି । ସୁକିନ୍ଦା ତହସିଲିଦାର ମ୍ୟାଡମ ବୁଲବୁଲ ବେହେରା ଲୋକଙ୍କୁ କରୋନା କଟକଣାର ପାଠପଢ଼ାଉଥିବା ବେଳେ ଅନ୍ୟ ଏକ ଜିଲ୍ଲାକୁ ଯାଇ କିଭଳି ନିୟମ ଉଲଂଘନ କରିଛନ୍ତି ତାହା ଏକ ବଡ଼ ପ୍ରଶ୍ନବାଚୀ ସୃଷ୍ଟି କରିଛି । ସୂଚନା ମୁତାବକ ଚଳିତ ମାସ ୨୧ ତାରିଖରେ ଜଗତସିଂହପୁର ଜିଲ୍ଲା ତିର୍ତୋଲ ବ୍ଲକ୍ ଜଗନ୍ନାଥପୁର ଗାଁରେ ତହସିଲିଦାରଙ୍କ ଭାଇ ବାହାଘର ହେଉଥିଲା। ଯାହାକି ସମ୍ପୂର୍ଣ୍ଣ କୋଭିଡ୍ କଟକଣା ବାହାରେ ।

ସରକାରଙ୍କ ନିର୍ଦ୍ଦେଶ ଅନୁଯାୟୀ ଦିନରେ୨୫ ଜଣଙ୍କ ଭିତରେ ବାହାଘର ପାଇଁ ନିୟମ ରହିଥିବା ବେଳେ ତାହାର ସମ୍ପୂର୍ଣ ଉଲଘଂନ କରାଯାଇଥିଲା ଏହି ବାହାଘରରେ । ସବୁଠାରୁ ବଡ଼କଥା ହେଲା ବାଣ ଫୁଟାଇ ଜୋରଦାର ବାଜାବଜାଇ କଟକଣା ବାହାରେ ସୁକିନ୍ଦା ତହସିଲଦାର ବୁଲବୁଲ ବେହେରାଙ୍କ ଭାଇ ବର ହୋଇ ଆସିଥିବାବେଳେ ଖୋଦ୍ ତହସିଲଦାର ମୁହଁରୁ ମାସ୍କ ଖୋଲି ବରଯାତ୍ରୀରେ ଡ୍ୟାନ୍ସ କରୁଥିଲେ।ସ୍ଥାନୀୟ ପୋଲିସ ପ୍ରଶାସନ ଖବର ପାଇବା ପରେ ଘଟଣା ସ୍ଥଳରେ ପୋଲିସ ପହଞ୍ଚି ଥିଲା । ମାତ୍ର ଜରିମାନା ଆଦାୟ ନ କରି ଫେରି ଆସିଥିଲା।