ପଶ୍ଚିମବଙ୍ଗ ମୁଖ୍ୟ ଶାସନ ସଚିବଙ୍କୁ ଦିଲ୍ଲୀ ଫେରିଯିବାକୁ କେନ୍ଦ୍ରର ଚିଠି
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ପଶ୍ଚିମବଙ୍ଗ ମୁଖ୍ୟ ଶାସନ ସଚିବଙ୍କୁ ଦିଲ୍ଲୀ ଫେରାଇ ନେବା ପାଇଁ କେନ୍ଦ୍ରର ଚିଠି । ଅଳ୍ପନ ବନ୍ଦୋପାଧ୍ୟାୟଙ୍କୁ ତୁରନ୍ତ ରିଲିଭ୍ କରିବାକୁ ଚିଠି ଲେଖାଯାଇଛି । ମେ ୩୧ ସକାଳ ୧୦ଟା ସୁଦ୍ଧା ଦିଲ୍ଲୀରେ ରିପୋର୍ଟ କରିବାକୁ ଚିଠିରେ ଉଲ୍ଲେଖ କରାଯାଇଛି । ଶୁକ୍ରବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପଶ୍ଚିମବଙ୍ଗରେ ବାତ୍ୟା ସମୀକ୍ଷା ବୈଠକ କରାଇଥିଲେ । ମାତ୍ର ବୈଠକକୁ ମମତା ବାନାର୍ଜି ଅଧ ଘଣ୍ଟା ବିଳମ୍ବରେ ଆସିଥିଲେ ଏବଂ କ୍ଷୟକ୍ଷତିର ରିପୋର୍ଟ ଦେଇ ଅନ୍ୟସ୍ଥାନରେ ମିଟିଂ ଅଛି କହି ୧୫ମିନିଟରେ ବୈଠକ ଛାଡି ଚାଲିଯାଇଥିଲେ ।
ମୁଖ୍ୟ ଶାସନ ସଚିବ ମଧ୍ୟ ବିଳମ୍ବରେ ପହଂଚିଥିଲେ । ପ୍ରଧାନମନ୍ତ୍ରୀଙ୍କୁ ବାତ୍ୟାର କ୍ଷୟକ୍ଷତିକୁ ନେଇ ରିପୋର୍ଟ ଦାଖଲ କରି ୨୦ ହଜାର କୋଟି ଟଙ୍କାର ସହାୟତା ଦାବି କରିଥିବା କହିଛନ୍ତି । ଦୀଘାରେ ହୋଇଥିବା କ୍ଷୟକ୍ଷତି ପାଇଁ ୧୦ ହଜାର କୋଟି ଏବଂ ସୁନ୍ଦରବନ ପାଇଁ ୧୦ ହଜାର କୋଟି ଟଙ୍କା ମାଗିଥିବା କହିଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ । ତେବେ ଏହି ଘଟଣାର କିଛି ସମୟ ପରେ କେନ୍ଦ୍ରରୁ ମୁଖ୍ୟ ଶାସନ ସଚିବଙ୍କ ଉଦ୍ଦେଶ୍ୟରେ ଚିଠି ଆସିଛି ।