ଟିକାର ଅଭାବ: ୧୭ ଜିଲ୍ଲାରେ ଟିକାକରଣ ବନ୍ଦ

ଭୁବନେଶ୍ୱର (ବଡ଼ ଖବର ବ୍ୟୁରୋ): ତୃତୀୟ ଲହର ସହ ଲଢିବାକୁ ହେଲେ ଅଧିକରୁ ଅଧିକ ଟିକାକରଣ ଉପରେ ଗୁରୁତ୍ୱ ଦେବାକୁ ପଡିବ। ଏହା ଉପରେ ସମୂର୍ଣ୍ଣ ଧ୍ୟାନ ଦେଉଛନ୍ତି ଉଭୟ ରାଜ୍ୟ ଓ କେନ୍ଦ୍ର ସରକାର । ଏଥିପାଇଁ ସାରା ଦେଶରେ ଜୁନ ୨୧ ରୁ କ୍ୟାମ୍ପେନ ମୋଡରେ ଟିକାକରଣ ଆରମ୍ଭ ହୋଇଥିଲା । କିନ୍ତୁ ବର୍ତ୍ତମାନ ସମୟରେ ଟିକାର ଘୋର ଅଭାବ ଦେଖିବାକୁ ମିଳିଛି ।

ତେବେ ଟିକାର ଅଭାବ ଏହି ଅଭିଯାନକୁ ବାଟବଣା କରିଦେଇଛି । ପ୍ରତ୍ୟେକ ଦିନ କମି କମି ଚାଲିଛି ଟିକାକରଣ । ଗୁରୁବାର ରାଜ୍ୟରେ ମାତ୍ର ୧୨୩ ଟି କେନ୍ଦ୍ରରେ ୩୫ ହଜାର ୫୪୪ ଟିକା ଦିଆଯାଇଛି । ତେବେ ଗୁରୁବାର ୧୬ ଟି ଜିଲ୍ଲାରେ ଟିକାକରଣ ବନ୍ଦ ଥିବା ବେଳେ ଶୁକ୍ରବାର ୧୭ ଟି ଜିଲ୍ଲାରେ ଟିକାକରଣ ବନ୍ଦ ରହିଛି । ମାତ୍ର ୧୦୨ ଟି କେନ୍ଦ୍ରରେ ଟିକା ଦିଆଯିବ । ଏହା ଭିତରେ ଗୁରୁବାର ରାଜ୍ୟକୁ ମାତ୍ର ୧ଲକ୍ଷ କୋଭିସିଲ୍ଡ ଟିକା ଆସିଥିଲାବେଳେ ଶୁକ୍ରବାର ୧୦ଲକ୍ଷ ଡୋଜ୍ ଆସିବାର ଅଛି ।