ଥାର୍ଡ ଡିଗ୍ରି ଯୁଗ ଶେଷ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଦେଶରେ ଥାର୍ଡ ଡିଗ୍ରି ଯୁଗ ଶେଷ । କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ସୂଚନା ଅନୁସାରେ, ଭାରତୀୟ ପିଙ୍ଗଳ କୋଡ୍ (ଆଇପିସି), ଫୌଜଦାରୀ ଆଇନ(ସିଆର୍ପିସି) ଏବଂ ଭାରତୀୟ ପ୍ରମାଣ ଆଇନ (ଆଇଇଏ)ରେ ବ୍ୟାପକ ପରିବର୍ତ୍ତନ ଅଣାଯିବ। । ବର୍ତ୍ତମାନ ଆଇନଗୁଡ଼ିକୁ ପ୍ରାସଙ୍ଗିକ କରାଯିବ ବୋଲି ଗାନ୍ଧୀନଗରଠାରେ ନ୍ୟାସନାଲ ଫରେନସିକ୍ ସାଇନ୍ସ ବିଶ୍ବବିଦ୍ୟାଳୟ (ଏନ୍ଏଫ୍ଏସ୍ୟୁ)ରେ ଉଦ୍ବୋଧନ ଦେଇ କେନ୍ଦ୍ରମନ୍ତ୍ରୀ ଶ୍ରୀ ଶାହ ଏହା କହିଛନ୍ତି। କେନ୍ଦ୍ରମନ୍ତ୍ରୀ ଶ୍ରୀ ଶାହ କହିଛନ୍ତି, ଏ ନେଇ ସରକାରୀ ସ୍ତରରେ ଆଲୋଚନା ଚାଲିଛି। ଆଇନକୁ ବର୍ତ୍ତମାନର ଆବଶ୍ୟକତା ଅନୁସାରେ ପ୍ରସ୍ତୁତ କରାଯିବ। ଆଜିର ଆହ୍ବାନକୁ ମୁକାବିଲା କରିବା ପାଇଁ ନୂଆ ଧାରା ଯୋଡ଼ାଯିବ।
ସେହିଭଳି ଯେଉଁ ଅପରାଧ ପାଇଁ ୬ ବର୍ଷ କିମ୍ବା ତା’ଠାରୁ ଅଧିକ ଦଣ୍ଡାଦେଶ ହେବାର ରହିଛି, ସେଭଳି ଅପରାଧ ସ୍ଥଳକୁ ଫରେନସିକ୍ ଟିମ୍ର ଗସ୍ତକୁ ବାଧ୍ୟତାମୂଳକ କରାଯିବା । ତେବେ ଏହାକୁ କାର୍ଯ୍ୟକାରୀ କରିବା ପାଇଁ ବହୁ ସଂଖ୍ୟାରେ ମାନବ ସମ୍ବଳର ଆବଶ୍ୟକତା ରହିଛି ବୋଲି ମନ୍ତ୍ରୀ କହିଛନ୍ତି। କେନ୍ଦ୍ରମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ ବିଜ୍ଞାନଭିତ୍ତିକ ପ୍ରମାଣ ଆଧାରରେ ଫରେନ୍ସିକ ତଦନ୍ତ ଠିକ୍ ଭାବେ କରାଗଲେ ଅଭିଯୁକ୍ତକୁ ଦୋଷୀ ସାବ୍ୟସ୍ତ କରାଯାଇପାରିବ।