ବିହାର ଦେଶର ସବୁଠାରୁ ପଛୁଆ ରାଜ୍ୟ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ବିହାର ଦେଶର ସବୁଠାରୁ ପଛୁଆ ରାଜ୍ୟ । କେନ୍ଦ୍ର ସରକାରଙ୍କ ତରଫରୁ ପ୍ରକାଶିତ ଏକ ରିପୋର୍ଟରୁ ଏହି ସୂଚନା ମିଳିଛି । ନୀତିଶ କୁମାର ସରକାରରେ ଭାଜପା ସହଯୋଗୀ ରହିଥିବା ବେଳେ ପାର୍ଲାମେଣ୍ଟରେ ଏଭଳି ତଥ୍ୟକୁ ନେଇ ଝଡ଼ ସୃଷ୍ଟି ହୋଇଛି । ଜେଡିୟୁର ଲୋକସଭା ସାଂସଦ ରାଜୀବ ରଞ୍ଜନ ସିଂଙ୍କ ଏକ ପ୍ରଶ୍ନର ଉତ୍ତର ଦେଇ କେନ୍ଦ୍ରମନ୍ତ୍ରୀ ରାଓ ଇନ୍ଦ୍ରଜିତ ସିଂଙ୍କ ଏକ ପ୍ରଶ୍ନର ଉତ୍ତର ଦେଇ କହିଛନ୍ତି, ନୀତି ଆୟୋଗଙ୍କ ୨୦୨୧-୨୨ର ଏସଡିଜି ରିପୋର୍ଟ ଅନୁସାରେ ବିହାର ଦେଶର ସବୁଠାରୁ ପଛୁଆ ରାଜ୍ୟ ।

ଦାରିଦ୍ର୍ୟ, ସାକ୍ଷରତା ହାର, ମୋବାଇଲ, ଇଣ୍ଟନନେଟ ବ୍ୟବହାର ଆଦିରେ ମଧ୍ୟ ବିହାର ସର୍ବନିମ୍ନ ସ୍ତରରେ ରହିଛି ବିହାର । ୩୩.୭୪% ଲୋକ ଦାରିଦ୍ର୍ୟସୀମାରେଖା ତଳେ ରହିଛନ୍ତି । ୫୨.୫% ଲୋକ ବହୁବିଧ ଦାରିଦ୍ର୍ୟର ସମ୍ମୁଖୀନ । ସେହିପରି ୫୦.୫୬% ଲୋକ ମୋବାଇଲ ଏବଂ ୩୦.୯୯% ଇଣ୍ଟରନେଟ ବ୍ୟବହାର କରୁଛନ୍ତି । ତେବେ ଏହି ରିପୋର୍ଟ ମୁତାବକ ୫ଟି ସ୍ଥାନରେ ୯ଟି ରାଜ୍ୟ ରହିଛନ୍ତି ସେଗୁଡ଼ିକ ହେଲା, କେରଳ, ହିମାଚଳପ୍ରଦେଶ, ତାମିଲନାଡ଼ୁ, ଆନ୍ଧ୍ରପ୍ରଦେଶ, ଗୋଆ, କର୍ଣ୍ଣାଟକ, ଉତ୍ତରାଖଣ୍ଡ, ସକ୍କିମ ଓ ମହାରାଷ୍ଟ୍ର । ଆଉ ସବୁଠୁ ନିମ୍ନରେ ଥିବା ରାଜ୍ୟ ମାନଙ୍କ ମଧ୍ୟରେ ଆସାମ, ଝାଡ଼ଖଣ୍ଡ ,ବଂ ବିହାର ରହିଛନ୍ତି ।