ଦିଲ୍ଲୀପଙ୍କ ଆଖିରେ ଲୁହ
(ବଡ଼ ଖବର ବ୍ୟୁରୋ): ଲଢୁଆ ପ୍ରଦର୍ଶନ କରି ହାରିଲେ, କିନ୍ତୁ ମନ ଜିତିଲେ । ମ୍ୟାଚ ହାରିଲେ ସତ କିନ୍ତୁ ଜିତିଗଲେ ହୃଦୟ । ଭାରତୀୟ ମହିଳା ହକିରେ ପରାଜୟ ପରେ ଏବେ ସାରା ଦେଶ ସ୍ତବ୍ଧ କିନ୍ତୁ ସମସ୍ତେ ଆଜି ଖେଳାଳିଙ୍କୁ ନେଇ ଗର୍ବ ଅନୁଭବ କରିଛି । ଟୋକିଓରେ ବ୍ରୋଞ୍ଜ ପାଇଁ ଚାଲିଥିଲା ଲଢେଇ । ଭାରତ – ଗ୍ରେଟ ବ୍ରିଟେନ ମଧ୍ୟରେ ଚାଲିଥିଲା ଲଢେଇ ।
ଆରମ୍ଭରୁ ଗୋଲ୍ ଦେଇ ଭଲ ପ୍ରଦର୍ଶନ ଲକ୍ଷ୍ୟରେ ଥିଲା ଟିମ୍ ଇଣ୍ଡିଆ । ଶେଷରେ ୩-୪ ଗୋଲରେ ବାଜି ମାରିନେଇଥିଲା ଗ୍ରେଟ୍ ବ୍ରିିଟେନ । ଭାରତକୁ ନିରାଶ ହେବା ପାଇଁ ପଡ଼ିଥିଲା । ଭାରତର ପରାଜୟକୁ ନେଇ ପୂର୍ବତନ ହକି ଖେଳାଳି ଦିଲ୍ଲୀପ ତିର୍କୀ ଭାବବିହ୍ୱଳ ହୋଇଯାଇଥିଲେ ।
ଭାରତୀୟ ଦଳ ପରାଜୟ ପରେ ଦିଲ୍ଲୀପଙ୍କ ଆଖିରେ ବୋହିଥିଲା ଲୁହର ଧାର । ଟିଭି ସାମ୍ନାରେ ମ୍ୟାଚର ପ୍ରତି ମୂହୂର୍ତ୍ତ ଉପଭୋଗ କରୁଥିବା ଦିଲ୍ଲୀପ ନିଜର ଭାବନାକୁ କଣ୍ଟ୍ରୋଲ କରିପାରିନଥିଲେ ।