୬ଟଙ୍କାରେ କୋଟିପତି

ବାରିପଦା(ବଡ଼ ଖବର ବ୍ୟୁରୋ): ପାଗଳ କରିଛି କୋଟିପତି ହେବାର ସ୍ୱପ୍ନ ।ରାତାରାତି କୋଟିପତି ହେବାର ନିଶା ସମସ୍ତଙ୍କୁ ଘାରିଛି ।ଏପରି ଲୋଭନୀୟ ସ୍କିମରେ ସବୁଠୁ ବଡ ଟାର୍ଗେଟ ପାଲଟିଛନ୍ତି ଶ୍ରମିକ ଶ୍ରେଣୀର ଲୋକ ଓ ଅଳ୍ପ ପରିଶ୍ରମରେ ଅଧିକ ଆୟ କରିବାକୁ ଚେଷ୍ଟା କରୁଥିବା ଯୁବଗୋଷ୍ଠି । ଏହି ଅଫର ବାରିପଦାରେ ଚାଞ୍ଚଲ୍ୟ ସୃଷ୍ଟି କରିଛି । ମାତ୍ର ୬ ଟଙ୍କାରେ ଟିକେଟ କିଣିଲେ ହୋଇପାରିବେ କୋଟିପତି । ରାତାରାତୀ ଧନୀ ହେବାର ଲୋଭ ଦେଖାଇ ଲୋକଙ୍କୁ ଏମିତି ବାଉଳା କରାଯାଉଛି । ତେବେ ଏସବୁ ଟିକେଟ କେବଳ ପଶ୍ଚିମବଙ୍ଗରେ ବିକିବାର ନିୟମ ରହିଥିବା ବେଳେ ଓଡ଼ିଶାରେ ଏହି ନିୟମର ଖୁଲମଖୁଲା ଉଲଘଂନ ଚାଲିଛି । ବାହାର ଦେଶରୁ ଟିକେଟ ଆଣି ଚୋରାରେ କାରବାର କରୁଛନ୍ତି । ଘଟଣା ସଂପର୍କରେ ଅବଗତ ହୋଇ ବାରିପଦା ଟାଉନ ଥାନା ଅଧିକାରୀ ବୀରେନ୍ଦ୍ର କୁୁମାର ସେନାପତି ତଦନ୍ତ କରିବାକୁ ନଷ୍ପତ୍ତି ନେଇଛନ୍ତି ।

ସୂଚନାନୁଯାୟୀ, ବାରିପଦାରେ ଅନେକ ଲୋକ ଏହି ଠକେଇର ଶିକାର ହୋଇଛନ୍ତି । ଏଥିପାଇଁ ବାରିପଦା ଟାଉନ ଥାନା ପକ୍ଷରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ପାଇଁ ସୂଚନା ମିଳିଛି ।