ଏଣିକି ଧ୍ୟାନଚାନ୍ଦ ଖେଳରତ୍ନ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପ୍ରଧାନମନ୍ତ୍ରୀଙ୍କ ବଡ଼ ଘୋଷଣା । ବଦଳିଲା ଖେଳର ସର୍ବୋଚ୍ଚ ସମ୍ମାନର ନାଁ । ରାଜୀବ ଗାନ୍ଧି ଖେଳରତ୍ନ ପରିବର୍ତ୍ତେ ଏବେ ଦିଆଯିବ ଧ୍ୟାନଚାନ୍ଦ ଖେଳ ରତ୍ନ ପୁରସ୍କାର । ପୂର୍ବରୁ ଅନେକ ଲୋକ ଏନେଇ ପ୍ରଧାନମନ୍ତ୍ରୀଙ୍କୁ ଅନୁରୋଧ କରିଥିଲେ । ତେବେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏନେଇ ଘୋଷଣା କରିଛନ୍ତି ।

ମେଜର ଧ୍ୟାନଚାନ୍ଦ ଭାରତର କିମ୍ବଦନ୍ତି ହକି ଖେଳାଳି ଥିଲେ । ଭାରତ ପାଇଁ ସେ ଅନେକ ଗୌରବ ଆଣିଥିଲେ । ସେ ଯେବେ ହକି ଷ୍ଟିକ ଧରି ପଡିଆକୁ ଓହ୍ଲାଉଥିଲେ ସମସ୍ତେ ତାଙ୍କୁ ଦେଖିବାକୁ ଅନାଇ ବସୁଥିଲେ । ଏବଂ ସୁନିଶ୍ଚିତ ଥିଲେ ଯେ ପଦକ ନିଶ୍ଚୟ ଆସିବ । ତାଙ୍କ ନାଁରେ ଏହି ପୁରସ୍କାର ତାଙ୍କ ପାଇଁ ଶ୍ରେଷ୍ଠ ସମ୍ମାନ ହେବ ।